भांगरभूंय | प्रतिनिधी
वास्को, प्रतिनिधी: भुरग्यांक लसीकरण करपाचें वास्को लसीकरण केंद्र घुस्पटपाक जावपी आनी अर्दकुटे सुवातेर हालयिल्ल्यान पालकांनी तिडक उक्तायल्या. भलायकी मंत्री विश्वजित राणे एके वटेन नागरिकांना बर्यो भलायकी सुविधा दिवपाक वावुरतात, जाल्यार दुसरे कडेन वास्कोच्या लसीकरण केंद्राची परिस्थिती पळयल्यार हांगा कांयच सुविधा नात, अश्यो प्रतिक्रिया लोक उक्तायतना दिसतात. हें लसीकरण केंद्र बरे सुवातेर हालोवचें अशी मागणी तांणी केल्या.
वास्को शार भलायकी केंद्र आदीं मुरगांव पालिका कार्यालय इमारतीच्या तळमजल्यार आशिल्लें. जाल्यार चार वर्सां आदीं मुरगांव पालिका कार्यालय इमारतीचें नुतनीकरण करतना थंयचीं कार्यालयां बायणा रवींद्र भवनांत हालयल्लीं. जाल्यार भलायकी केंद्राचें लसीकरण विभाग बायणांच्या आदल्या एसटीडी हॉस्पिटलाच्या जाग्यार हालयलें. तशेंच थंयचे वेवस्थेक लागून नागरिकांनी आवाज केल्या उपरांत हो लसीकरण विभाग रवींद्र भवनाचे तळ माळयेर व्हेलो. थंय बरी सुविधा आशिल्ल्यान नागरीक खूश आशिल्ले. आतां रवींद्र भवन सुरु जावपाचें आशिल्ल्यान रवींद्र भवन वेवस्थापन समितीन थंयची विंगड विंगड कार्यालयां दुसरे कडेन व्हरपाची मागणी संबंदीत कार्यालय मुखेल्यांक केल्या.
मजगतीं, आरटीओचे सकयल आशिल्ले ते खाली सुवातेर सध्या लसीकरण विभाग व्हेला. हो जागो सामको गच्च आशिल्ल्यान हांगा आपल्या भुरग्यांक लसीकरण करपाक घेवन येवपी पालकांकूय बरोच त्रास सोंसचो पडटा. बायलांक भुरग्यांक घेवन सोंपणांचेर उबें रावचें पडटा. त्या विभागाच्या वयल्या भागात आरटीओ आशिल्ल्यान येवपी लोकांचो आंकडो व्हड आसा. ताका लागून लोकांक बरेच त्रास सोंसचे पडटा. नोंदणीचें काम करपी नर्सीकूय गैरवेवस्थेक तोंड दिवचें पडटा. हे विशीं भलायकी मंत्री राणे यांनी लक्ष घालचें अशी मागणी नागरीक करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
