भांगरभूंय | प्रतिनिधी
वास्को, प्रतिनिधी ः वास्को पुलिसांनी सुयश अंबरनाथ (19, बीजापूर कर्नाटक) ह्या तरणाट्या कडल्यान एक लाखाचो एक किल गांजो जप्त केलो. हें प्रकरणांत वास्को पुलिसांनी सुयश आड गुन्यांव नोंद करून ताका अटक केली. ताणें गांजो कोणा कडल्यान हाडला हाचो सोद घेवपाचो आमी यत्न करतात अशें वास्को पुलीस निरिक्षक कपिल नायक हांणी सांगलें.
पुलिसांच्या म्हायती प्रमाण, शुक्रारा सांजवेळा उसरां वास्को पुलीस स्टेशनांतलो एक पुलीस पंगड गस्त घालतालो. गस्त घालता आसतना शारांतल्या एका जाग्यार उबो आशिल्ल्या सुयशाचे हालचालीचेर तांकां दुबाव आयलो. उपरांत ताची चवकशी केली. तेन्ना ताणें योग्य जाप दिवंक ना. उपरांत पुलिसांनी ताची बॅग तपासली. तेन्ना त्या बॅगेत गांजो मेळ्ळो. पुलीस फुिडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
