भांगरभूंय | प्रतिनिधी
वास्कोः शारांतल्या नागरिकां खातीर बऱ्याच काळासावन प्रलंबित आशिल्लो रेल्वे अंडरपास निमाणो अनौपचारीक रितीन उक्तो केलो. हाका लागून जड येरादारी आनी आपत्कालीन वाहनां खातीर मार्ग मेकळो जाला. ह्या निर्णयाक लागून शारांतल्या येरादारीच्या समस्यांत व्हड प्रमाणांत सुदारणा जातली.
भूंयगत केबल आनी घाणयाऱ्या उदकाच्या प्रकल्पा खातीर खणून काडिल्ल्या रस्त्यांचेर आतां सगळे कडेन ‘हॉट मिक्सिंग’ काम सुरू जालां अशें थळावे आमदार कृष्णा साळकार हांणी सांगलें. हीं कामां पुराय जातकच रोखडीच रस्त्यांची स्थिती बरी जातली आनी नागरिकांक प्रवास करप बरे जातले.
मजगतीं, मुरगांवचे नगराध्यक्ष गिरीश बोरकार हांणी सांगलें, हाचे पयलीं रेल्वे पुलाची उंचायेच्या मर्यादेक लागून मेस्तावाडो आनी भोंवतणच्या वाठारांनी आपत्कालीन सेवांक अडचणी येताल्यो. पूण नवो अंडरपास सुरू जाल्ल्यान आतां एम्ब्युलन्स, उजो पालोवपी दळ सारकिल्ल्या सेवांक आडमेळीं येवचीं नात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
