भांगरभूंय | प्रतिनिधी
अन्न आनी वखदां प्रशासनाने तपासणी करचीः नागरिकांची मागणी
वाळपय, प्रतिनिधी: वाळपयच्या सप्तकी बाजारांत आंब्यांची विक्री व्हडा प्रमाणांत जाली. ह्या बाजारांत विकपी आंब्यांत रसायनां वापरिल्ल्याचें स्पश्ट जालां. ताका लागून अन्न आनी वखद प्रशासनान हाची दखल घेवन येवपी सप्तकी बाजारांत छापो घालून हे विशीं तपासणी करची, अणी मागणी नागरिकांनी केल्या.
सध्या आंब्याचो मोसम सुरू आसा. गोंयांत पिकिल्ल्या आंब्यांचो परमळ सगळ्याक पातळ्ळा. गोंयांत विकपी आंब्यां मदीं गोंयां वांगडा कोकण, कर्नाटक, महाराष्ट्र हेर वाठारांतल्या आंब्यांचो आसपाव आसा. मात सप्तकी बाजारांत व्हडा प्रमाणांत येवपी ह्या पिकिल्ल्या आंब्यांचेर रसायनाचो वापर करून ते पिकयल्यात, ताका लागून ते भलायकेक बरेच माल, अश्यो प्रतिक्रिया नागरीक उक्तायतात. तशेंच वाळपयच्या सप्तकी बाजारांत अन्न आनी वखदां प्रशासनान छापो घालचो अशी मागणी गिरायकां आनी नागरीक करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
