भांगरभूंय | प्रतिनिधी
फोंडें, प्रतिनिधी: वारखडें- फोंड्यां कुडतरकार आर्केड इमारतींत चोरांनी आठां परस चड दुकानां तशेंच खासगी कार्यालयां फोडलीं. बिरेस्तारा सकाळीं हें कळ्ळें. दुकानांतल्यान सुमार ४- ५ हजार रुपया आनी एक मोबायल फोन चोरलो. मात कंप्यूटर, लॅपटॉप आनी हेर किंमती वस्तूंक चोरांनी हात लावंक ना.
हे विशीं चड म्हायती प्रमाण, वारखडें, फोंडेंचे कुडतरकार आर्केड इमारतींत आशिल्लीं दुकानां आनी कार्यालयांनी चोरी जाली. पुलिसांनी येवन पंचनामो केलो. हे इमारतींत सीसी टीव्ही कॅमेरे नाशिल्ल्यान पुलिसांक तपास करतना आडखळ निर्माण जाल्या. पुलीस चोरांचो सोद घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
