भांगरभूंय | प्रतिनिधी
मुरगांव, प्रतिनिधी: दाबोळे- वास्को वाडेंच्या एका उच्च माध्यमीक विद्यालयाच्या फाटल्यान एके नवे इमारतीचें बांदकाम चालू आशिल्ले सुवातेर एका मजुराच्या साडे पांच वर्सां पिरायेच्या चलयेची कूड सांपडली. मरणाचें नेमकें कारण सोदपाचो यत्न पुलीस करतात अशें दक्षीण गोंय पुलीस अधीक्षक सुनिता सावंत हांणी सांगलें.
घडणुके सुवातेर फिंगरप्रीट तज्ञ पंगडा वरवीं तपासणी केली. ह्या वेळार वास्को पुलीस स्टेशनाचेर महानिरीक्षक ओमवीर सिंग आनी हेर वरीश्ठ अधिकारी दाखल जाल्ले. वास्को पुलीस निरीक्षक कपिल नायक हांच्या नेतृत्वाखाला हे घडणुकेचो तपास सुरू आसा.
शुक्रारा १२ एप्रिलाक फांतोडेर ३ वरांचेर मजूर आवय- बापायन आपले चलयेक बेशुद्ध अवस्थेंत पळयली. तिका रोखडेंच दाबोळी चिखले उपजिल्हो हॉस्पिटलांत तपासणे खातीर व्हेली. हांगा हाडचे पयलीं ते चलयेक मरण आयिल्ल्याचें दोतोरांनी सांगलें. उपरांत हॉस्पिटलांतल्यान वास्को पुलिसांक हे विशीं म्हायती दिली. वास्को पुलिसांनी उपजिल्हो हॉस्पिटलांत ते चलयेचो पंचनामो केलो. तशेंच जंय हे चलयेची कूड सांपडिल्ली थंय वचून पुलिसांनी तपासणी केली. फुडलो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
