भांगरभूंय | प्रतिनिधी
भांगरभूंय । प्रतिनिधी
शिवोलीः श्री वसंत विद्यालयाच्या प्राथमीक विभागाचो खेळां मेळावो उमेदीन जालो. जैतिवंत विद्यार्थ्यांक शिवानी एज्युकेशन ट्रस्टाचो संचालक शिवशंकर मयेकार, शिवोली- मार्ना पंचायतीचो पंच वागडी संदेश हडफडकार हांणी इनामां भेटयलीं. ह्या वेळार अभय शिरोडकार, अमीत मोरजकार, पालक-शिक्षक संघाचो अध्यक्ष संजय रेवणकार, रेजिना फर्नांडीस हाजीर आशिल्ली.
विद्यार्थ्यांची भलायकी बरी रावची ह्या हेतात आमी दर वर्सा खेळं मेळावो आयोजीत करतात. स्नेहसंमेलन आनी खेळां मेळाव्यांक लागून तांका आपले गुण दाखोवपाक संद मेळटा अशें मुख्याध्यापक सूरज चोडणकारान ह्या वेळार सांगलें. दरेक विद्यार्थी शिक्षणांत फुडें आसता अशें न्हय. कांय विद्यार्थी खेळा मळार नांव फुडें काडटात. ताकां जाय ती मजत करपाक आपूण सदांच फुडें आसता अशें शिवशंकर मयेकार हांणे सांगलें. शाळेंत खेळां सर्तींत चार पंगडांक चार रंगाचीं नांवां दितात. तीं नांवां व्हडा व्यक्तींची दिल्यार तांची विद्यार्थ्यांक याद येतली अशेंय तांणे सांगलें.
खेळां मेळाव्यांत विद्यार्थ्यां खातीर तरेकवार सर्ती घेतल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
