भांगरभूंय | प्रतिनिधी
खबरां संस्था
नवी दिल्लीः भारतान वन-डे वर्ल्ड कपा वोगडायलो पूण हे सर्तींत स्टेडियमांतली उपस्थिती आनी प्रसारण दर्शकांचे विक्रम मोडले. ऑस्ट्रेलिया आनी न्यूझिलंडांत 2015च्या वर्ल्ड कपा मजगतीं 1,016,20 प्रेक्षकांच्या फाटल्या विक्रमाक फाटीं वडयलें. भारतीय मैदानांत वट्ट 1,250,307 प्रेक्षकांनी 48 मॅची पळयल्यो, अशें आयसीसीन म्हणलां. इंग्लंडांतल्या 2019 चो वर्ल्ड कप 7,52000 प्रेक्षकां सयत तिसरे सुवातेर आसा.
भारतांतली लिनियर टेलिव्हिजन प्रेक्षकांचो आंकडो अर्द्या अब्जा परस चड जाल्या, सर्तीच्या 6 सप्तकांत वर्ल्ड कपा खातीर 518 चाहत्यांनी सर्तींतल्या मॅचीची मजा घेतली अशें डिस्ने स्टारान सांगलां. भारतांतल्या ब्रॉडकास्त ऑडियन्स रिसर्च कौवंसिलााचे (बीएआरसी) आंकडेवारी प्रमाण 422 अब्ज मिनटां इतलो वेळ प्रेक्षकांनी वर्ल्ड कपाच्यो मॅची पळयल्यो. ताका लागून व्हो आतां मेरेनचो सगल्यांत व्हडलो वर्ल्ड कप थारला. भारत ऑस्ट्रेलिया मॅच 300 दशलक्ष क्रिकेट मोगींनी पळयलो.
मॅची मजगतीं एके खेप 130 दशलक्ष चाहते फायनल पळयताले. सगल्यांत ड काँन्करंटाचो विक्रम ह्या वर्ल्ड कपान मोडला. टीव्हीचेर सगल्यांत चड पळयल्ली मॅच अशें डिस्ने स्टारान भारत- ऑस्ट्रेलिया मॅचीचे प्रेक्षक संख्ये विशीं म्हणलां. डिस्ने हॉटस्टार म्हणल्यार ओटीटी प्लॅटफॉर्मारूय वर्ल्ड कपान नवे विक्रम केल्यात. हॉटस्टराचेर 59 दशलक्ष चाहत्यांनी वर्ल्ड कप पळोवप पंसत केल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
