भांगरभूंय | प्रतिनिधी
भलायके खातीर सुर्याचें वत गरजेचें आसलें तरी गिमाच्या दिसांनी सेगीत खर सुर्याचो संपर्क आयल्यार तो कातीचे भलायकेक वायट थारूं येता. खर किरणांक लागून कातीच्या पेशींचें लुकसाण जाता, तिची सैमीक ओलसाण उणी जाता आनी ताका लागून कातीक जाण्टेपणाक तोंड दिवचें पडटा. भारता सारक्या देशांत वर्साचो चडसो काळ वत चड आशिल्ल्यान कातीचें लुकसान जावपाची समस्या सगळ्या पिरायेच्या लोकांक सतायता. अशे परिस्थितींत कितें करचें?
सुर्याच्या किरणांक लागून कातींतलें कोलेजन उणें जाता. संरक्षणात्मक थर दुबळो जाता आनी कातीचेर दाग, पिग्मेंटेशन आनी टॅनींग अश्यो समस्या वाडूंक शकता. सेगीत भायर काम करप, भोंवप आनी योग्य संरक्षण घालूंक नाशिल्ल्यान तुमचे कातीचेर सरळ परिणाम जावं येता.
वताक जावपी प्रकार
अल्पकाळांतलें लुकसाण: सनबर्न, तांबडेपण आनी कात जळप.
दीर्घकाळाचें लुकसाण: पिग्मेंटेशन, अकाली जाण्टेपण येवप आनी कातीची लवचीकता उणी जावप
कातीचें लुकसाण जावपाचीं लक्षणां
चड काळ कातीची योग्य जतनाय घेना जाल्यार कातीच्या कॅन्सरा सारक्या गंभीर दुयेंसांचोय धोको वाडूंक शकता. देखून कातीची राखण करप खूब गरजेचें. दोतोरान सांगिल्ले प्रमाण एसपीएफ ५० आशिल्लें सनस्क्रीन वापरप गरजेचें.
कातीची राखण करपा खातीर गरजेचे उपाय
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
