भांगरभूंय | प्रतिनिधी
लोणावळा, खबरां संस्था: पॉर्न व्हिडिओ चित्रीकरण आनी प्रसारण हाका बंदी आसून लेगीत व्हिडिओ करपी चलयां सयत १५ जाणांचेर तशेंच तांकां बंगलो भाड्यान दिवपी तिगां जाणांचेर लोणावळ्या लागसारा पाटण गांवांत पुलिसांनी छापो घालून कारवाय केली. अटक केल्लीं सगळीं महाराष्ट्र, दिल्ली, उत्तर प्रदेश, पश्चीम बंगाल, उत्तराखंड ह्या राज्यांतलीं.
पुलिसांनी घडणुके सुवाते वयल्यान पॉर्न व्हिडिओ शूट करपाक लागपी कॅमेरे आनी हेर सामान जप्त केलां. हे विशीं आनी चवकशी सुरू आसा. ह्या प्रकरणांत लोणावळा ग्रामीणचे पुलीस उपनिरीक्षक भारत भोसले हांणी आरोप्यां आड कागाळ दिल्या.
ह्या प्रकरणांत विष्णू मुन्नासाहब साहो (कोलकात्ता), जावेद हबीबुल्ला खान (उत्तर प्रदेश), अलका राज के. राजन (दिल्ली), नेहा सोमपाल वर्मा (उत्तर प्रदेश), वीणा भारत पोवळे (ठाणे), मैनाज जाहीद हुसेन खान (पालघर), राहुल सुरेश नेवरेकर (ठाणे), रिया वासू गुप्ता (दिल्ली), बुद्धसेन बरदानीलाल श्रीवास (चंद्रपूर), समीर मेहताब आलम (उत्तर प्रदेश), अनुप मिथिलेष चौबे (मुंबय), रामकुमार श्रीभगवान यादव (हरियाणा), अनिकेत पवन शर्मा (सुरत), मनीष हिरामण चौधरी (हरियाणा), वंशज सचीन वर्मा (डेहराडून), हांचे सयत बंगल्याचो धनी सुखदेव चांगदेव जाधव (मावळ), आकेष गौतम शिंदे (मावळ) आनी सनी विलास शेंडगे (पुणे) हांचे आड गुन्यांव दाखल केलो.
फाटल्या दोन दिसां सावन पाटण गांवचे हद्दींत आशिल्ले अर्णव व्हिलांत पॉन व्हिडियोचें शुटींग चालू आशिल्लें. नागरिकांक हाची म्हायती नाशिल्ली. मात तरणाट्यांक पळोवन कोणाक तरी तांचेर दुबाव आयलो. तांणी हे विशी पुलिसांक कळयलें. उपरांत लोणावळा पुलिसांनी बंगल्याचेर नदर दवरली आनी उपरांत छापो घालून सगळ्यांक अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
