लोकमान्य टिळक टर्मिनस ते थिवी विशेश रेल्वे चलतली

भांगरभूंय | प्रतिनिधी

मडगांव, प्रतिनिधी ः गोंयांत येवपी पर्यटकांचे प्रमाण वाडिल्ल्यान ह्या हंगामांत मध्य रेल्वेच्या सहकार्यान कोंकण रेल्वे मार्गाचेर मुंबय सावन थिवी मेरेन आनीक एक रेल्वे सुरू करता.
गीमाच्या हंगामांत प्रवाशांची गर्दी उणी करपा खातीर केंद्रीय रेल्वेच्या समन्वयान अतिरिक्त विशेश गाडयो चलोवपाचो निर्णय घेतला. रेल्वे क्रमांक 01017/01018 लोकमान्य टिळक (टी) – थिवी – लोकमान्य टिळक (टी) विशेश (त्रि-साप्ताहिक) रेल्वेचे नियोजन केला.
गाडी क्र. 01017 लोकमान्य टिळक (टी) – थिवी स्पेशल ट्राय-साप्ताहिक लोकमान्य टिळक (टी) सावन 26 एप्रिल ते 4 जून 2024 मजगती दर शुक्रारा, आयतारा आनी मंगळारा 22.15 वरांचेर सुटतली आनी दुसऱ्या दिसा 09.50 वरांचेर थिवी पावतली.
गाडी क्र. 01018 थिवी- लोकमान्य टिळक (टी) विशेश त्रि-साप्ताहिक थिवी सावन 27 एप्रिल ते 5 जून 2024 मजगती दर शेनवार, सोमार आनी बुधवारा 16.35 वरांचेर सुटतली आनी दुसऱ्या दिसा 03.45 वरांचेर लोकमान्य टिळक (टी) हांगा पावतली.
ही 17 डब्यांची रेल्वे ठाणे, पनवेल, रोहा, माणगाव, वीर, खेड, चिपळूण, सावर्डा, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, कणकवली, सिंधुदुर्ग, कुडाळ आनी सावंतवाडी रोड स्टेशनांचेर थांबतली. वयल्या रेल्वेचे सविस्तर थांबे आनी वेळा खातीर www.enquiry.indianrail.gov.in चेर भेट दिवची वा एनटीईएस अॅप डावनलोड करचो. प्रवाशांनी हे सेवेचो लाव घेवपाचो असो उलो रेल्वे प्रशासनान मारला.