भांगरभूंय | प्रतिनिधी
गोंयचो म्हान तत्वज्ञ फ्रान्सिस्को लुईस गोम्सान 161 वर्सां आदीं त्या काळांतलो युरोपी बुदवंत आल्फोन्स द लामार्टीन हाका एक भावपूर्ण विनवणी बरयिल्ली. “ हांव भारतांत जल्मलों. एका काळार कविता, तत्वगिन्यान आनी इतिहासाचें पाळणें आनी आतां तांची कबर. म्हाभारत रचपी, बुद्धीबळाचो सोद लावपी वंशांचो हांव. पूण आपल्या कवितांची संहिता करून खेळांत राजकारण सुत्रबद्ध करपी हें राष्ट्र आतां जिवें ना! तें आपल्याच देशांत बंदखणींत पडलां. भारता खातीर हांव स्वातंत्र्य आनी उजवाडाची मागणी करतां.”
तें तेजस्वी विधान आयज 28 मे दिसा उक्तावण जावपी गोंयच्या लिबर्टी अँड लायट फेस्टिवलाचेर उजवाड घालता. तो सोमार 30 मे मेरेन चलयलो. भव्य पोरणें गोंय वैजकी महाविद्यालयाच्या दायज संकुलांत, जंय गोम्सान आपल्या बहुआयामी प्रतिभेन पयलेच खेपे नामना मेळयली. विचारांचो एक लोकोत्सव, मोग आनी समाजाचे उत्कृश्ट प्रतिभेचें प्रदर्शन घडोवपी ह्या उत्सवांत तीन आकर्शक सादरीकरण सांजवेळां आसतलीं. जीं सगळ्यां खातीर उक्तीं आसात : सोनिया शिरसाट आनी मद्रागोवा, लू माजाव, द ब्राज गोन्साल्वीस क्विंटेट, डॅनियल फर्नांडीस, दुले रॉकर, इम्फाल टॉकीजाचे आखु चिंगबंगम, ओमकार रेगे, क्यू, इम्पाना कुलकर्णी + द मस्टर्ड सीड्स आर्ट कंपनी.
सुवाळ्याचीं कांय खाशेलपणां : पुस्तक लोकार्पण – ज्ञानपीठकार दामोदर मावजो हांच्या ‘द वेट अँड अदर स्टोरीज’ (अणकारपी- झेवियर कोटा) 28 मे सांजवेळा चार वरांचेर, तशेंच 29 मे दिसा सांजवेळा 4 वरांचेर इन्कलाब जिंदाबाद : इकरूप संधू हांचें भगत सिंगाचें चरित्र, नम्रता बच्चन आनी ट्रेलब्लेजर्स हांचें अ फुल सर्कल, फातिमा सिल्वा ग्रासियस हांणी बरयल्लें गोवन वूमन अचीव्हर्स, तशेंच जेन बोर्गेसाची बऱ्याच काळा सावन वाचक वाट पळयतात, तें गोवा डिबेट आॅफ बॉम्बे बाल्चांव.
मेड इन गोवा : भारताच्या ल्हान राज्यांत आनी त्या राज्यांतले उल्लेखनीय नवनिर्माणाचें काम करपी लोकां कडेन संवादाची माळ : अयाज बसराय, देसमंडजी, एडिबल आर्काइव्ह्स, बुलंद शुक्ला, शेफ अविनाश मार्टीन्स, दिलीप मिनेझेस, राहूल पै पाणंदिकार, डेव्हिड द सौझा आनी बेनहैल आंताओ.
लांचपॅड गोंय : सगळ्यांच्या आदर्श वर्क-फ्रॉम-होम पद्दतींत नव्या वेवसायाच्या फुडाराची तपासणी करपा खातीर build3 कडल्यान आयोजित केल्ली संवादाची माळ, जातूंत प्रणय गुप्ता (91 स्प्रिंगबोर्ड), साहिल बरुआ (डेल्लीवेरी), वैभव छाबरा (मेकर्स अॅसायलम), संदीप मुखर्जी (ब्लायव), रायन प्रझेरेस (वनबोर्ड) आनी अश्विन बॅरेटो (दॅट लायफस्टायल कोच).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
