भांगरभूंय | प्रतिनिधी
खबरां संस्था
नवी दिल्ली. सचीन तेंडुलकाराच्या इंडिया लिजेंड्सान श्रीलंका लिजेंड्सांक 33 धांवड्यांनी हारोवन रोड सेफ्टी वर्ल्ड क्रिकेट सीरिजाचे दुसरे खेप वस्तादपण मेळयलें. भारता वतीन शेंकडो करपी नमन ओझा मॅची हिरो थारलो. भारतान आपल्या डावांत 195 धांवड्यो केल्यो. ताका जाप दितना श्रीलंका लिजेंड्साच डाव 162 धांवड्यांत सोपलो.
नमन ओझान 71 बॉलांत 15 चौके आनी 2 सक्यांनी नाबाद 108 धांवड्याची तुफानी खेळी केली. विनय कुमारान 21 बॉलांत 36 धांवड्यो केल्यो. लंकेच्या नुवान कुलसेकरान 3 आनी इसुरू उडानान 2 विकेटी घेतल्यो. लंका लिजेंड्सच्या इशान जयरत्नेत 22 बॉलांत 4 सके आनी 4 चौक्यांनी 51 धांवड्यो केल्यो. विनय कुमारान 3 आनी अभिमन्यू मिथूनान 2 विकेटी घेतल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
