भांगरभूंय | प्रतिनिधी
वीज कर्मचारी दुचाकी चालक जखमी
म्हापशें: तळेवाडो-रेवोड्यां दुचाकीन ट्रकाक धपको दिल्ल्यान जाल्ल्या अपघातांत नकलो पोखरे (42, वळावणे, थिये) हो वीज कर्मचारी दुचाकी चालक गंभीर जखमी जालो.
हो अपघात बिरेस्तारा सांजवेळा 4.15 वरांच्या सुमाराक घडलो. जखमी दुचाकी चालक जीए 04 के 1570 क्रमांकाच्या मोटारसायकली वेल्यान रेवोडें ते पीर्ण हांगा वतालो. जाल्यार मुखा वेल्यान जीए 03 डब्ल्यू 5901 हो ट्रक येतालो. हो ट्रक एका वाहनाक सायड दिवपा खातीर थांबलो तेन्ना जखमी दुचाकी चालकान ह्या वाहनाक ओव्हरटेक करपाच्या यत्नांत ट्रकाक धपको दिलो.
हाका लागून जाल्ल्या अपघातांत नकलो पोखरे हो गंभीर जखमी जालो. ताचे तकलेक आनी पांयाक खर जखम जाल्या. रोखडेंच ताका म्हापशेंच्या जिल्हो हॉस्पिटलांत दाखल केलो. थंय सावन गोमॅकाँत दाखल केलो. थंय ताचेर उपचार सुरू आसात. अपघाताचो पंचनामो कोलवाळ पुलीस हवालदार सीताराम चोडणकार हांणी केलो. फुडलो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
