भांगरभूंय | प्रतिनिधी
रेल्वे येरादारी कांय वेळ आडावली
मडगांव: कोंब मडगांवां रेल्वे दरवट्याक टेंपोन धपको दिलो. टेंपो रेल्वे दरवट्याचे भितर आशिल्ल्यान दरवट्या वेल्या कर्मचाऱ्यांनी वरिश्ठांक हाची म्हायती दिली. रेल्वे पुलीस घडणूक थळार पावले उपरांत टेंपो भायर काडून उपरांत आडावन दवरिल्ल्या गाडयांनी मार्गक्रमण केलें.
मडगांव कोंब रेल्वे दरवट्या कुशीक गाडी येवपाची आशिल्ल्यान रेल्वेचो दरवटो सकयल घेता आसतना मोटारींची येरादारी सुरू आशिल्ल्यान कर्मचारी दरवटाे सकयल वयर करीत मोटारींक वचूंक दिताले. टेंपोच्या चालकान दरवटो पडत आसतनाय टेंपो रेल्वे रुळार घालो आनी तो मेरेन दरवटो दुसरे वटेन सकयल पडिल्लो. टेंपोक वचपा खातीर कर्मचाऱ्यान दरवटो वयर करीत आसतनाच टेंपो चालकान टेंपो मुखेर व्हेल्ल्यान दरवट्याक धपको दिलो. हाका लागून दरवट्या वेल्या कर्मचाऱ्यांनी हाची म्हायती रेल्वे पुलीस आनी वरिश्ठांक दिली. तो मेरेन रेल्वे गाडयांक आडावन दवरिल्ले.
उपरांत रेल्वे पुलीस घडणूक थळार आयले उपरांत आनी घडणुकेची म्हायती घेतले उपरांत टेंपो दरवट्या भायर काडून रेल्वेची येरादारी सुरळीत केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
