भांगरभूंय | प्रतिनिधी
मडगांव, प्रतिनिधी ः सध्या राज्यांत अपघातांचो वाडतच आसा. ह्याच वाडत्यांच्या फांटभूंयेर आदले मुख्यमंत्री चर्चिल आलेमाव हांणी रेंट अ कार थेट पर्यटकांक दिवचे परस ड्रायव्हर नेमून ती भाड्यान दिवची अशी मागणी केल्या.
आदले मुख्यमंत्री चर्चिल आलेमाव हांणी पत्रकार परिशदेंत रेंट अ कार अपघाता विशीं टिप्पणी केली. फाटल्या कांय दिसांनी राज्यांत रेंट अ कार संबंदीत जायते अपघात जाल्यात अशें चर्चिल आलेमाव हांणी सांगलें. ह्या अपघातांत कांय जाणांक मरण आयले. देखून रेंट अ कार वेवसायिकांनी हाचेर कांय नेम घालचे आनी थेट गाडी भाड्यान दिवचे परस ड्रायव्हर नेमचो. पर्यटना खातीर राज्यांत येवपी पर्यटकांक बरे तरेन गाडी चलोवपाक येताच अशें ना. हाचे भायर रस्त्याचोय तांका अदमास आसना. राज्यांत ड्रग्साचीय प्रकरणा घडतात. हाका लागून पर्यटकांचो गाडये वयलो ताबो सुटून अपघात जावपाची शक्यताय वाडटा. ही शक्यताय मतींत घेतल्यार रेंट अ कार वेवसायीकांनी गाडी भाड्याक दितना ड्रायव्हर नेमप सक्तीचें आसूंक जाय. चड गाडयो आशिल्ल्यांनी लेगीत ड्रायव्हर नासतना गाडयो भाड्यान दिवच्यो न्हय. हांतूत पर्यटकांच्या सुरक्षेचो प्रस्न आसा अशें चर्चिल हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
