भांगरभूंय | प्रतिनिधी
हेर वाहनांच्या तुळेंत रेंट अ कार, रेंट अ बायकांचे अपघात दोबरांत
पणजी, प्रतिनिधी : हेर वाहनांच्या तुळेत रेंट अ कार आनी रेंट अ बायक वाहनांक जावपी अपघातांचे प्रमाण दोबरात आसा. पर्यटकांनी रेंट अ कार आनी रेंट अ बायक वाहन जापसालदारीन चलोवचें म्हूण आतां हमीपत्र (अंडरटेकिंग) दिवप बंधनकारक आसा. येरादारी पुलिस अधीक्षक राहुल गुप्ता हांणी ही म्हायती दिली.
रेंट अ कार वा रेंट अ बायकाचो वापर पर्यटकां कडल्यान चड जाता. तांकां ओल्तां तशेंच रस्त्यांची, सिग्नल तशेंच येरादारीची म्हायती नासता. हाका लागून अपघात जावपाची शक्यता हेर वाहनांच्या तुळेत चड आसता. रेंट अ कार वा रेंट अ बायक चलोवपाक घेवपी मनशान हमीपत्रांच्या दोन प्रतींचेर सयो करच्यो पडटल्यो. एक प्रत गाडयेन जाल्यार दुसरी प्रत रेंट अ कार वा रेंट अ बायकच्या एजंटाक दिवची पडटली. हमीपत्राची प्रत नासली जाल्यार तालांवां सयत नेमा प्रमाण कारवाय जातली, अशें अधीक्षक राहुल गुप्ता हांणी सांगलें.
हांव हेल्मेट घालून गाडी चलयतलो, सोरो पियोवन गाडी चलोवचो ना, गाडी चलयतना मोबायलाचेर उलोवचो ना. ट्रिपल सीट दुचाकी चलोवचो ना…अशें मुद्दे हमीपत्रात आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
