रुपा, उमा, गिरीजा, वालंका

भांगरभूंय | प्रतिनिधी

बेळगांवच्या कोनशार आशिल्लें रुपा, बेळगांव, जळगांव सावन गोंयांत आयिल्लें रुपा, बीना, लक्ष्मी बापाय बराबरीन फुटबॉल खेळपी वालंका सगलींच वसुंधरा, गिरीजेचीं रुपां. वर्सान वर्सांची म्हेळी वाट माड्डीत फुडें सरपी पल्लवी फकत मार्गदर्शीच न्हय जाल्यार तिका ई- मेल, वॉटसअॅपावेल्यान प्रधानमंत्र्यां मेरेन पावयतली. पल्लवीची हनुमान उडी एआय वरवी तुमचे आमचे मेरेन पावयतना उत्पल आनी श्रीनिवास फाटल्यान रावतले. तांकां जागोवपाक उमा, शमी, श्रद्धा, उषा, गौरी आसतलींच, पूत आनी धुवेक चंद्रार वचपाची सपनां दाखोवपी. समृद्धी, सुकन्या, सोनाली, रीटा, गीता, कल्याणी वेगळे वाटेन राजरथांत बसतना तिका सुपरकॉपय जावचें पडटलें. बाबा तूं यो, फाटल्यांतल्यान फुडें यो, म्हजे बराबरीन तुकाय जाग येवपाक जाय ही विनवणी तें करतलें. काल हांवें वर्क फ्रॉम होम केलें आयज तुवें तेंच करचें असो कायदो कित्याक नाका? मेनका, सोनिया, स्मृती वांगडा पल्लवी, प्रियांकाची राहुल प्लीज बी सिरीयस अशी रिकॉर्ड आसतली. पट्टी नाका, बडी नाका स्मार्ट बोर्डार शंभर वेळा बी सिरीयस ही वळ बरयल्यार अक्षर सुदारतलें.
ही देशाचे लोकसभेची, लोकशायेची वेंचणूक, विधानसभेची न्ही पूण मतदान करपाक जाय. विधानसभेंतल्या आमदारांची मजत जाय, बराबरीन ताची घरकान्न, धूव आनी पूतय. विजय पयस रावलो तरी उषा, छाया, नवमी, दशमी, रोहिणी, मृण्मयी, स्नेहा, स्नेहल, स्निग्धा, सुनेत्रा, सुवर्णा, सुलक्षणा, जेनिफर, प्रतिमा धांवत येतलीं.
माफ करात, तेंपाप्रमाण कुरपणे घालतना पत्रकारितेच्या फुडाराचो हुस्को ताका आसलो तरी तिका नासतलो. वेंचणूक लागीं आयली की ती हालीं अस्वस्थ जाता. सवस्तकाय इबाडची न्हय, म्हादयक उपाट भरुन हुंवार येवचो न्ही हे खातीर जतनाय घेयात होच तिचो परतून एकदां निर्मळ उलो.
मीठ जाय मीठ, उदक दियात उदक, यो गे बशी बेगीन तेंय मनातल्या मनात. येरादारीचे कोयंडेंत कित्याक गे अशी तूं धुमशेणा घालता, शांतीकाय कित्याक इबाडटा? राधेपूताक प्रस्न विचारुंक येतात, मायेन, म्होवाळ आवाजांत. केन्ना साल मुबारक, केन्ना आयज तुजो वाडदीस, गोड गोड दीस, केन्ना सुप्रभात, केन्ना गुड मॉर्निंग, केन्ना देव बरो दीस दीवं म्हणून, गरज पडल्यार धपको दिवन. एक मत फुडाराचें, एक मत शांतीकायेचें, सवस्तकायेचें. न्यायाचें, रोजगाराचें, बुलेट ट्रेनीचें. क्रांती जावंक जाय, गीतांतल्यान मनीसपणातल्यान, मशाल, पानां, पण्टी दवरुन. 33 टक्क्यांनी लोकसभेंत 50 टक्क्यांनी विधानसभेंत. वाट समानतायेची, श्रमांची.
शारांवांगडा, गांवय बदलचे पूण मळब, सृश्टी सांबाळून. विल्मा, लिना, शमा, रमा, संध्या, सुधा, गौरांग, निखिल, ऋशिकेष, मैथिली, गार्गी, आर्ची, वंदेशाक मेकळ्या मळबांत उडप, चलप भावता, सवण्या पिलांकय नाचपाक मेळटा. पयसुल्ल्यान तांचेरय नदर दवरात, तांकांय उडपाक दियात. मागता तें दिवचेपरस गरज वळखून रोटी, कपडा, मकान, माखनांचो शिंवर करात, उच्च शिक्षण म्हत्त्वाचें. जेन्ना तांचोय उपेग कायद्यान जातलो, नेमावळीक पाळो मेळटलो, तेन्ना येतली उत्कृश्टताय. उबाळाच्या दिसांनी खेळपाक आंगणां, चौक आसात? सोदल्यार ते निवळ, नितळ दिसतले. लखलखपी दिवे, उजो लावपी, क्रांती करपी हें मतदार थारायतले.
नारी शक्ती वंदना कायदो विधानसभे मेरेन व्हरपाक लोकसभेंत तिचें बळगें चड आसपाक जाय. सर्त सुरु जाल्या ती लोकसभेंतच न्हय फुडले राज्यसभे मेरेन पावतलीच ही जापसालकी तुमची आमची. तिका बराबरीन व्हरचेंच पडटलें, वचत थंय तरच जातली क्रांती. ती उदरगत हाडटलीच, कुशळतायेचें नवें विद्यापीठ हाडपाची मागणी जाल्यार कायद्यान मान्यताय घेवपाक भोंवतली. तिचेलागीं क्रांतीचीं उतरां आसतलीं, त्याच उतरांतल्यान ती गिन्यान जोडटली.
ताई, माई, अक्का, आपा, काका, मामाक तो मेळपाक गेलो, तीं घरांत नासल्यार दाराक लावची एक ल्हानशी चीट. एक राष्ट्र, एक वेंचणूक कायदो जावचेआदींच बदल येतात. नवें मतदार वळखपत्र, ईमेलार मतदान करपाची सुविधा, जेश्ठांकय (पिराय मर्याद आसा) पोस्टांतले मतपत्रिकेवरवी पोस्टांतल्यान मत दिवपाक येता. दीस थोडे, म्हयनोभर न्ही. ते क्रांती पासत झगडले काँग्रेसीचे केंद्रीय फुडारी गिरीश चोडणकार. आतां गेल्यात आकांतवाद्यां कडेन झुजपाक, देशप्रेम ताचें, रामनम ताची, तिची.

9881099260

सुहासिनी प्रभुगांवकार