भांगरभूंय | प्रतिनिधी
भांगरभूंय । प्रतिनिधी
पोरणे गोंयः लोकसभेच्यो गोंयांतल्यो उत्तर आनी दक्षीण गोंय मतदारसंघांच्यो वेंचणुको लडोवपाचे रिव्होल्युशनरी गोवन्स (आरजी) पक्षान थारायलां. तशी घोशणा पक्षाचो सर्वेसर्वा मनोज परब हाणे गोवा व्हेल्हा हांका घेतिल्ले सभेंत जाहीर केले. गोंयकारांचे प्रश्न लोकसभेंत मांडपा खातीर पक्षाच्या उमेदवारांक जैतिवंत करपाचें आवाहन ताणे गोंयकारांक केलां.
तेलंगणा, तामिळनाडू, आंध्र प्रदेश राज्यांत प्रादेशीक पक्षाचें लोकसभेंत खासदार आसात. गोंयकारानी आरजी सारक्या प्रादेशीक पक्षाच्या उमेदवारांक लोकसभेंत खासदार म्हणून धाडपाची आतां गरज आसा अशें मनोज परबान सांगलें. राष्ट्रीय पक्षांनी गोंयची वाट लायला असो आरोप ताणे सभेंत केलो. केंद्रांत सत्तेर आशिल्ल्या पक्षाची गोंयांत सत्ता आसल्यार ते गोंयकारांक बळीचो बकरो करतात ही गजाल गोंयकारांनी मतींत दवोरपाक जाय. गोंयचो फुडार राखून दवोरपा खातीर आरजी पक्ष वावुरतलो अशें परबान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.