भांगरभूंय | प्रतिनिधी
भांगरभूंय । प्रतिनिधी
वास्कोः वास्कोच्या टिकळ मैदानार जाल्ल्या आय लीग फुटबॉल सर्तींच्या आयतारा जाल्ले मॅचींत रियल काश्मीर एफसीन चर्चिल ब्रदर्साचेर 2-0 गोलांनी जैत मेळयलें. चर्चिलान खेळाचेर सुरवेक सावन वर्चस्व मेळयल्लें. मात पयल्या सत्रांत तांका गोल करपाच्यो दोन संद मेळून लेगीत तांकां गोल करपाक मेळ्ळे नात. रियल काश्मीराचो बचाव फोडपाक तांकां अपेश आयलें.
दुसऱ्या सत्रांत खेळ चर्चिलाचो पूण गोल मात काश्मीराचे अशी स्थिती जाली. 66 व्या मिनटाक काश्मीराच्या गनोहेर क्रिझोन पंगडाचो पयलो गोल केलो. 88 व्या मिनटाक चर्चिलाच्या एल्हादजी करीमाच्या पासाचेर लुईस उगोचुकवूचो शॉट दिकाहीन थारलो. 90व्या मिनटाक निश्चल चंदनाचो शॉट क्रॉसबाराक लागून भायर गेल्या उपरांत हेंद्री किसेक्काच्या पासाचेर बाय कामो स्टेफना काश्मीराचो दुसरो गोल करून पंगडाक मॅचीचे पुराण गुण मेळोवन दिले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
