भांगरभूंय | प्रतिनिधी
भांगरभूंय । प्रतिनिधी
केरी-सत्तरीः गोंय राज्य विज्ञान आनी तंत्रगिन्यान मंडल, साळगांव आनी राष्ट्रीय विज्ञान, तंत्रगिन्यान संचाल मंडळ, दिल्ली हाणी आयोजीत केल्ल्या 31 व्या राष्ट्रीय बाल विज्ञान परिशदें खातीर साखळेच्या डॉ हेडगेवार विद्यालयाच्यो विद्यार्थिनी मनस्वी नंदा माजीक आनी वरदा वळवयकार हांणी सादर केल्ल्या प्रकल्पाची निवड केल्या.
गोंयांतल्या माध्यमीक आनी उच्च माध्यमीक विद्यालयांतल्या विद्यार्थ्यांनी हे परिशदेंत आपापले प्रकल्प गोंय पांवड्यार सादर केल्ले. तातूंतल्या आठ प्रकल्पांची निवड राष्ट्रीय परिशदे खातीर केल्या. मनस्वी आनी वरदान “कॉमन सीन ओडोनेट्स फाउंड इन सत्तरी” हो प्रकल्प सादर केल्लो. ते खातीर तांणी केरी हांगच्या आजोबाची तळी, व्हाळवटी न्हंय आनी शेताचो वाठारांत मेळपी बिरमूट हाचेर उजवाड घातला.
केंपें म्हाविद्यालयाचो प्राध्यापक डॉ संदेश गांवस हाचे मार्गदर्शन तांकां मेळ्ळें. प्रकल्पाच्या कामा खातीर नंदा माजीक आनी मीनल पाटील हाणी तांकां मजत केली. व्हो प्रकल्प भोपाळांत जावपी राष्ट्रीय विज्ञान परिशेंदत सादर करतले. विद्यार्थिनीच्या ह्या येसा खातीर शाळा संस्थेचो अध्यक्ष उल्हास केरकार, पालक- शिक्षक संघ, मुख्याध्यापक सदानंद मिशाळ हाणी तांकां परबीं भेटयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
