राष्ट्रीय खेळां पुरस्कार जाहीर

भांगरभूंय | प्रतिनिधी

-मोहम्मद शमी सयत 26 जाणांक अर्जुन पुरस्कार

-चिराग शेट्टी आनी सात्विक साईराज हांकां खेलरत्न

नवी दिल्लीः खेळां पुरस्कारा खातीर नांवां जाहीर केल्यात. भारताचो स्टार फास्ट बॉलर मोहम्मद शमी हाचे सयत 26 खेळगड्यांक अर्जुन पुरस्कारान भोवमानीत करतले. तेच प्रमाण भारतांतल्या दोन युवा बॅडमिंटन खेळगड्यांची मेजर ध्यानचंद खेलरत्न पुरस्कारा खातीर निवड केल्या. अंदूंचो खेलरत्न पुरस्कार चिराग शेट्टी आनी सात्विक साईराज रंकी रेड्डी हांकां जाहीर जाला. ह्या दोगांयनी जगभरांत बॅडमिंटन दोट्टींत भारताक नामनां मेळोवन दिल्या. खेळां मंत्रालयान ह्या सगल्या नांवांचेर म्हाेर लायल्या.

जानेवारींत सगल्या खेळगड्यांचो भोवमान करतले. ते खातीर विशेश कार्यावळीत हे खेळां पुरस्कार भेटयतले. खेळगड्यांचो राष्ट्रपती हस्तुकीं भोवमान करतले. जानेवारींत खासा कार्यावळींत राष्ट्रपती हांचे हस्तुकीं पुरस्कार भेटोवन खेळगड्यांचो भोवमान करतले.

खेळां मंत्रालयान दिल्ले म्हायती प्रमाण, 26 खेळगड्यांक अर्जुन पुरस्कारान भोवमानीत करतले. भोवमानीत करपी खेळगड्यांची निवड तांच्या त्या वर्सांतल्या कामगिरीच्या आदारान करतात. खेळां विभाग तांच्या नांवांची​ शिफारस करता. अर्जुन पुरस्कार फावो जाल्ल्यांचे वळेरेंत लांब उडीपटू श्रीशंकर, स्टार पॅरा अॅथलीट शीतल देवी, स्टार बायलां हॉकीपटू सुशीला चानू हिचे सयत 26 खेळगड्यांचो आस्पाव आसा.

खेळां मंत्रालयाच्या म्हायती प्रमाण, विवीध समितींच्या शिफारशींच्या आदारान आनी पुराय तपासणे उपरांत सरकारान ह्या सगल्या खेळगड्यांची, प्रशिक्षकांची आनी संस्थांची पुरस्कारा खातीर निवड केल्या. मंत्रालयान भोवमानीत करपी खेळगडे, प्रशिक्षक आनी संस्थांची वळेरीय प्रसिद्ध केल्या.

अर्जुन पुरस्कारः

मोहम्मद शमी (क्रिकेट), अजय रेड्डी (दिश्टीहीन क्रिकेट), ओजस प्रवीण देवतळे, अदिती गोपीचंद स्वामी (तिरंदाजी), शीतल देवी (पॅरा तिरंदाजी), पारुल चौधरी आनी मुरली श्रीशंकर (अ‍ॅथलेटिक्स), मोहम्मद हुसामुद्दीन (बॉक्सींग), आर वैशाली (बुद्धिबळ), दिव्याकृती सिंग आनी अनुष अग्रवाल (घोडेस्वारी), दीक्षा डागर (गोल्फ), कृष्णा बहादूर पाठक आनी सुशीला चानू (हॉकी), पिंकी (लॉन बॉल), ऐश्वर्या प्रताप सिंग तोमर आनी ईशा सिंग (शूटिंग), अनंत पंघाल आनी सुनील कुमार (कुस्ती), अहिका मुखर्जी (टेबल टेनीस), नौरेम रोशिबिना देवी (वुशू), पवन कुमार आनी रितू नेगी (कबड्डी), नसरीन (खो खो), हरिंदर पाल सिंग संधू (स्क्वॅश), प्राची यादव (पॅरा कॅनोइंग).

द्रोणाचार्य पुरस्कारः

ध्यानचंद जीणेगौरव पुरस्कार:

कविता सेल्वराज (कबड्डी), मंजुषा कंवर (बॅडमिंटन) विनीत कुमार शर्मा (हॉकी).

———-

12 वांगड्यांचे समितीन जैतिवंत खेळगड्यांच्या नांवांची केली निवडः

गणेश प्रभाकरन (मल्लखांब), महावीर सैनी (पॅरा अॅथलेटिक्स), ललित कुमार (कुस्ती), आरबी रमेश (बुद्धिबळ), शिवेंद्र सिंग (हॉकी) द्रोणाचार्य पुरस्कार (आजीवन श्रेणी): जसकीराज सिंग ग्रेवाल (गोल्फ), भास्करन ई (कबड्डी), जयंत कुमार पुशीलाल (टेबल टेनिस) मौलाना अबुल कलाम आझाद ट्रॉफी 2023ः गुरुनानक देव विद्यापीठ (अमृतसर, वट्ट जैतिवंत) लव्हली प्रोफेशनल युनिव्हर्सिटी (पंजाब, पयलो उपवस्ताद) कुरुक्षेत्र विद्यापीठ (दुसरो उपवस्ताद)

खेळां मंत्रालयान अंदूंचे मेजर ध्यानचंद खेलरत्न पुरस्कार आनी अर्जुन पुरस्कार थारावपा खातीर 12 वांगड्यांची समिती स्थापन केल्ली. अध्यक्ष निवृत्त न्यायमूर्ती एएम खानविलकर हांचे खेरीत हॉकीपटू धनराज पिल्ले, आदले टेबल टेनिसपटू कमलेश मेहता, आदले बॉक्सर अखील कुमार, बायलां नेमबाज आनी सध्याचे राष्ट्रीय प्रशिक्षक शुमा शिरूर, आदले क्रिकेटपटू अंजुम चोप्रा, बॅडमिंटनपटू तृप्ती मुरगुंडे आनी पॉवरलिफ्टर फरमान पाशा हांचोय समितींत आस्पाव आशिल्लो.