भांगरभूंय | प्रतिनिधी
मडगांव, प्रतिनिधी : मडगांव रावणफोंड सर्कला लागसारा धांवपी गाडयेक उजो लागपाची घडणूक घडली. ह्या उज्यांत गाडी पुरायेन जळ्ळी. उजो लागलो तेन्ना गाडयेंत तिग जाण आशिल्ले. मात, कोणाकूच कसलीच दुखापत जावंक ना. ही गाडी नावेलेच्या रामप्रकाश जैस्वाल हांची.
https://www.facebook.com/bhaangarbhui/videos/789636870014884
रावणफोंड सर्कला लागसारा बिरेस्तारा सकाळीं सुमार आठ वरांचेर गाडयेक उजो लागपाची घडणूक घडली. नावेले घोटमोरोड हांगाचे रामप्रकाश जैस्वाल हे आपली गाडी घेवन घरा कडल्यान मडगांवचे दिकेन वताले. तेन्ना गाडी रावणफोंड सर्कला लागसारा आयली तेन्ना गाडयेच्या फुडल्या भागांतल्या धुंवर आयिल्ल्याचें दिसलें. तांणी आपली गाडी उबी केली आनी गाडयेचें बॉनेट उघडल्या उपरांत उजो लागिल्ल्याचें समजलें. हे गाडयेंत जैस्वाल हांचे सयत तिग जाण प्रवास करताले. मडगांव उजो पालोवपी दळाक आनी पुलिसांक गाडयेक उजो लागिल्ल्याची म्हायती तांणी दिली. दळाचे जवान घडणुके सुवातेर पावता म्हणसर गाडी पुरायेन जळिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
