भांगरभूंय | प्रतिनिधी
नवी दिल्ली : अयोध्याच्या रामाच्या देवळांत कोटी रुपयांच्या देणग्यांचो आनी मोलादीक भांगराच्या कथित गैरवेव्हार प्रकरणांत खाशेल्या तपास पंगडान धक्को दिवपी मुळावे निश्कर्श काडल्यात. तपासा मजगतीं भांगर-रुप्याच्या देणग्यांची योग्य नोंद नाशिल्ल्याचें दिसून आयलें. तशेंच देवळाच्या वेवस्थापनांतय खूब उणाव आशिल्ल्याचे दिसून आयलें. हे फांटभूंयेर देवळाच्या प्रशासनांत सरकारी अधिकाऱ्यांची भुमिका वाडोवपाचो विचार सुरू आसा अशी म्हायती सूत्रांनी दिल्या.
एसआयटीच्या तपासा प्रमाण, देवळांतली म्हत्वाची प्रशासकीय जापसालदारकी मुखेलपणान चंपत राय, डॉ. अनिल मिश्रा आनी गोपाल राव हांचे कडेन आशिल्ली. देणगी मेजपा सावन बँकेंत जमा करपा मेरेनचे प्रक्रियेचेर ते नियंत्रण दवरताले अशें चवकशेंत नमूद केलां.
13 जुनाक एसआयटीची थापणूक
श्रीराम जन्मभूमि तीर्थ क्षेत्र ट्रस्टाच्या विनवणी उपरांत 13 जुनाक उत्तर प्रदेशाच्या गृह खात्यान तीन वांगड्यांची एसआयटी स्थापन केल्ली. 15 जून सावन लखनौचे आयुक्त विजय विश्वास पंत हांच्या फुडारपणा खाला पंगडान अयोध्यांत चवकशी सुरू केली. तपासांत भांगर-रुपें दान करपी भक्त, पदाधिकारी, कर्मचारी, बँकेचे अधिकारी आनी हांची चवकशी केली.
एसआयटीक मेळ्ळ्यो चार गंभीर अनियमितताय
‘टिन्नू यादवाच्या’ प्रभावाक लागून एसआयटी अजाप
रामशंकर उर्फ टिन्नू यादव हाका ह्या प्रकरणांत मुखेल व्यक्ती मानतात आनी एसआयटीन ताची जायते फावट चवकशी केल्या. सुत्रांनी दिल्ले म्हायती प्रमाण, देवळाच्या वाठारांत ताचो बरोच प्रभाव आसा. सादारण भक्तांक आनी व्हीआयपींकय लागू आशिल्ल्या सुरक्षा तपासणींतल्यान ताच्या लागींच्या वांगड्यांक सुट मेळटा असो आरोप आसा. कांय सोयऱ्यांक मंत्रालयाच्या प्रोटोकॉल प्रमाण वागणूक दिता अशें चवकशी मजगतीं दिसून आयलें.
बँकेच्या अधिकाऱ्यांनीय चुको नदरेक हाडल्यो
एसआयटीन भारतीय स्टेट बँकेच्या अधिकाऱ्यांची चवकशी केली. देणगी मेजपा खातीर नेमिल्ले कंत्राटी कर्मचारी ट्रस्टी चंपत राय हांच्या शिफारशी प्रमाण नेमिल्ले अशें अधिकाऱ्यांनी सांगलें. तशेंच बँकेंत पयशे जमा जाय मेरेनच्या प्रक्रियेची कसलीच म्हायती तांचे कडेन ना अशेंय तांणी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
