भांगरभूंय | प्रतिनिधी
भांगरभूंय । प्रतिनिधी
माशेलः गांवातवाडो-कुमारजुवें हांगा श्री देवी रामायसती खेळ आनी सांस्कृतीक मंडळाची स्थापना केला. कलाकार आनी गोंय कला आनी सांस्कृतीक खात्याचे अधिकारी प्रदीप नायक हाचें हस्तुकीं दिवली पेटोवन ताचें उक्तावण जालें. तरणाट्यांक एकठांय येवन वावुरपाक आनी कला सादरीकरण करपाक दिवपाक संस्थां वतीन वावुरपाचें उणे जालां. अश्या वेळार एक नवी संस्था स्थापन करून बरी कामगिरी केल्या अशे नायक हाणे ह्या वेळार सांगलें.
हे कार्यावळीक शांतादुर्गा कुमारजुवेंकरीण देवस्थाान समितीचे उपाध्यक्ष सुहास भिंगी, उद्देजक प्रितेश नायक, प्रशांत जोशी, मंडळाचो अध्यक्ष संतोष गावडे, सचीप पुरुषोत्तम कुंभारजुवेकार, सल्लागार देऊ गावडे आशिल्ले. मानेस्तांक रोपे दिवंन येवकार दिलो. प्रदीप नायकान दिवली पेटोवन मंडळाचें उक्तावण केलें. मंडळ स्थापन करपी तरणाट्यांक प्रशांत जोशी हांणी परबीं भेटयलीं. तरणाट्यांक माची मेळोवन दिवपा खातीर आपलें सदांच सहकार्य आसतलें अशें तांणी सांगलें.
कार्यावळीचें सूत्रसंचालन उमेश खोलकारान केलें आनी देऊ गावडेन उपकार मानले. उक्तावण कार्यावळी उपरांत श्री सिद्धिविनायक महालसा संघ, आकार-म्हाड्डोळ हाचे वततीन आदी ग्रामोत्सव ही लोकनाच कार्यावळ जाली. थळावे लोक ह्या वेळार व्हडा प्रमाणांत हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
