भांगरभूंय | प्रतिनिधी
प्रदुशणाक लागून नुस्तें मरूंक नाशिल्ल्याची नुस्तेमारी खात्याची म्हायती
पणजी : नुस्तेमारांनी घाल्ले रापणेंत भरतीचें उदक भरिल्ल्यान नुस्त्यांक मरण आयलें. मेल्लें नुस्तें करंझाळे दर्यादेगेर दवरून नुस्तेमार गेले. प्रदुशणाक लागून नुस्तें मरूंंक ना अशी म्हायती नुस्तेमारी खात्यान दिल्या.
नुस्तेमार नुस्तें धरपा खातीर दर्यांत रापण घालून दवरतात. सुकती आसता तेन्ना ते रापण भायर काडटात. रापणेंत उदक उरचे न्हय, ही सादुरताय घेवन ते रापण काडटात. बिरेस्तारा मात भरतीच्या वेळार रापण काडपाची आदानेरी नुस्तेमारां कडल्यान जाली. हातूंत रापणेंत उदक भरलें. उदकाक लागून रापणेंतूच नुस्तें मेलें. हें नुस्तें नुस्तेमारांनी दर्यादेगेर उडयिल्ल्यान नुस्त्य्याच्यो राशी तयार जाल्यो. उदकाचें प्रदुशण वा हेर कारणाक लागून नुस्तें मरूंक ना, अशें नुस्तेमारी खात्यान स्पश्ट केलां. प्रदुशण नियंत्रण मंडळाक हे घडणुकेची म्हायती ना. नुस्तेमारां कडेन नुस्तेमारी खात्याच्या अधिकाऱ्यांनी चवकशी करून नुस्तें मरपाचें कारण समजून घेतलें. हातूंत घातपात वा प्रदुशणाचो कसलोच प्रकार ना, अशें नुस्तेमारी खात्याचे संचालक आश्वीन चंद्रु हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
