भांगरभूंय | प्रतिनिधी
फोंडें, प्रतिनिधी: बेतोडा पंचायत वाठारांतल्या मेस्तावाड्यावेल्या रानांतल्या जनावरांची शिकार करप वाडलां. दोन दिसां आदीं रानदुकराचे शिकारे खातीर लायिल्ल्या फासांत सुणो आडकून जखमी जालो. ताका लागून रान खात्यान ह्या वाठारांत गस्त वडोवन शिकार करप्यां आड कारवाय करपाची मागणी थळावे करतात.
मेस्तवाडो – बेतोड्यां वाठारांतलो एक पाळिल्लो सुणो रानांत भोंवतना पांय फासांत आडकल्या उपरांत दोन दिसांनी फांस तोडून घरा परतलो. ताका लागून सुण्याच्या पांयांक गंभीर दुखापत जाल्या. घरांतल्या लोकांनी जखमी सुण्याच्या पांयाची तपासणी केली तेन्ना ताच्या पांयांक ल्हानसो केबल आडकल्लो दिसलो. ताका लागून सुण्याचो पांय फासांत आडकल्ल्याचें स्पश्ट जालें. जखमी जाल्ल्या सुण्याचेर कुर्टी हांगा उपचार सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.