भांगरभूंय | प्रतिनिधी
17 आनी 18 मे दिसा कला अकादमींत; आंब्याच्या फळांच्यो घेतले सर्ती
पणजी: गोंय सरकाराच्या कृशी संचालनालया वतीन गोंयांत 17 आनी 18 मे 2024 दिसा कला अकादमींत दोन दिसांचें राज्य पांवड्या वेलें ‘आंबा शो’चें आयोजन केलां. जाचो उद्देश गोंयांत लागवड केल्ल्या विवीध थळाव्या आंब्याच्यो जाती वळखप आनी तांची देखभाल करप असो आसा. ‘आंबो शो’ आंब्याचें क्षेत्र वाडोवपा खातीर दर्जेदार उत्पादन आनी मार्केटिंगा खातीर एकात्मीक दृश्टीकोन सुलभ करतलो आनी शेतकारांक योग्य परतावो मेळटलो असो उद्देश आसा.
शो वेळार गोंयांत लागवड केल्ल्या आंब्याच्यो विवीध जाती प्रदर्शीत करतले. आंबो उत्पादन तंत्रज्ञान, विपणन आनी आंब्याच्या हेर गजालींचेर प्रत्यक्षिकां, कार्यशाळा, सेमिनार आयोजीत करतले. गोंयच्यो विवीध जाती, संकरीत जाती, घोंटा, विदेशी जाती आनी हेर भारतीय जातींच्या आंब्याच्या फळांच्यो सर्ती ह्या प्रदर्शना वेळार घेतले.
गोंयांत आंब्याचीं झाडां लायिल्ले कोणूय शेतकार, वैयक्तीक, निमसरकारी संस्था प्रदर्शन आनी सर्तींत वांटो घेवपाक पात्र आसात. वांटेकार कितल्योय प्रवेशिका सादर करूंक शकतात, आनी दरेक प्रवेशां मदीं उण्यांत उणें तीन आंबे आसचे.
कसलेंच प्रवेश शुल्क घेवचे नात. दरेक श्रेणींतल्या सर्वोत्तम तीन प्रवेशां खातीर रोख इनामां भेटयतले. सगल्या वांटेकार जाल्ल्यांक प्रमाणपत्रां भेटयतले. प्रवेशिका 16 मे 2024 दिसा सांजवेळा पांच वरां पयलीं लागींचे विभगीय कृशी कचेरेंत सादर करच्यो, वा 17 मे 2024 दिसा सकाळीं 10.30 पयलीं थेट कार्यावळ थळार सादर करूं येतात.
फळां आनी आंबो मूल्यवर्धीत उत्पादनां (लोणचें, जाम, ज्यूस, लेदर बी) खातीर लेगीत सर्त घेतले.
शो वेळार विवीध सर्तींत वांटेकार जावपाक इत्सूक आशिल्ले शेतकार, व्यक्ती, संस्थां हांकां प्रवेश अर्ज, नेम आनी हेर तपशिला खातीर लागींच्या विभागीय कृशी कचेरेंतल्यान मेळोवंक शकतात. वा www.agri.goa.gov.in हे वॅबसायटीक भेट दिवंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
