भांगरभूंय | प्रतिनिधी
भांगरभूंय । प्रतिनिधी
फोंडेंः गणपती हें सैम संपन्नतेची जाणीव करून देवपी दैवत आसा. 64 कला आनी 14 विद्यांच्या ह्या दैवताच्या उत्सवांतल्यो तरेकवार कार्यावळी तरणाटे पिळगे खातीर मार्गदर्शक थारपी आसात, अशें उदकास्रोत मंत्री सुभाष शिरोडकार हांणी सांगलें.
फोंड्याचो राजा, सदर गणेशोत्सव मंडळान आपल्या भांगरा महोत्सवा निमतान घडोवन हाडिल्ल्या म्हाविद्यालयीन विद्यार्थ्यां खातीरच्या राज्य पांवड्या वयले घुमट आरती सर्तीच्या इनाम भेटवण कार्यावळींत मुखेल सोयरे म्हणून ते उलयताले. टीजीएस बँकेचे रिजनल मॅनेजर अरूण भट, सर्तीचे परिक्षक राजेंद्र फडते, प्रा. समीर प्रभू, मंडळाचो अध्यक्ष सुनील देसाय, रमेस वंसकार, संजय बांदोडकार, दिलीप धोपेश्वरकार, सोमनाथ नायक माचयेर आशिल्ले.
घुमट आरती सर्तींतलें पयलें इनाम म्हापश्यांतल्या ज्ञानप्रसार म्हाविद्यालयाच्या पंगडाक फावो जालें. दुसरें इनाम फर्मागुडीच्या पीईएस म्हाविद्यालयाक, तिसरें इनाम फर्मागुडीच्या अभियांत्रिकी म्हाविद्यालयाक मेळ्ळें. सर्वोदय उच्च माध्यमीक विद्यालय- उसगांव, अमेय उच्च माध्यमीक- कुर्टी फोंडें हांका उमेद वाडोवपी इनामां दिली.
सुनील देसाय हांणी सुरवेक सगल्यांक येवकार दिलो. संजय बांदोडकारान सूत्रसंचालन केलें. रमेस वंसकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
