भांगरभूंय | प्रतिनिधी
हॉट स्पॉट तयार करपा खातीर 4 एजन्सींची नेमणूक
पणजी : सरकाराच्या म्हायती तंत्रज्ञान खात्या वरवीं राज्यांत 150 वायफाय हॉट स्पॉट तयार करपाचो प्रस्ताव आसा. खासगी एजन्सी वतीन वायफाय हॉटस्पॉटांची निर्मिती जातली, अशी लेखी जाप म्हायती तंत्रज्ञान खात्याचे मंत्री रोहन खंवटे हांणी दिली. दिगंबर कामत हांच्या प्रस्नाक मंत्र्यांनी ही लेखी जाप दिल्या.
150 वायफाय हॉटस्पॉट तयार करपाचो प्रस्ताव आसलो तरी आजून जागे निश्चीत जावपाचे आसात. जाग्यांचो सोद घेवपाची प्रक्रिया सुरू आसा. जागे निश्चीत जावंक नासले तरी 4 एजन्सींची नेमणूक जाल्या. मेसर्स डिजिटल नॅटवर्क असोसिएट्स प्रायव्हेट लिमिटेड, मेसर्स जीटीपीएल ब्रॉडबॅड प्रायव्हेट लिमिटेड. ग्लोबल इन्फॉर्मेटिक्स इंडिया प्रायव्हेट लिमिटेड आनी दिनेश इंजीनीयरींग लिमिटेड ह्या चार एजन्सींची नेमणूक केल्या. वायफाय हॉटस्पॉटाचो वापर लोकांक कशे तरेन घेवप शक्य जातलें, हे विशींची प्रक्रिया निश्चीत जावपाची आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
