भांगरभूंय | प्रतिनिधी
आयतारा २८ एप्रीलाक जातली परिक्षा, दरेका म्हालांत परिक्षेचें केंद्र
पणजी, प्रतिनिधी : विद्यार्थ्यांक यत्ता पांचवी ते धावी मेरेन शिश्यवृत्ती दिवपाची तजवीज आशिल्ली प्रज्ञासोद परीक्षा अंदूं आयतारा २८ एप्रिलाक जातली. अंदूं चवथेक सावन यत्ता पाचवेंक वचपी ३३७७ विद्यार्थी हे परिक्षेक बसतले. दरेकी म्हालांत परिक्षेचें केंद्र आसा. राज्य शिक्षण संशोधन आनी प्रशीक्षण मंडळा वतीन (एससीईआरटी) ही परिक्षा जाता.
दरेकी म्हालांतल्यान ४० विद्यार्थ्यांची परिक्षेंतल्या गुणां वयल्यान निवड जाता.
शारी, गांवगिरे, अनुसूचीत जाती, अनुसूचीत जमाती ह्या गटांतल्या विद्यार्थ्यां खातीर राखीवता आसा. २८ एप्रिलाक सकाळीं १० ते १२ ह्या वेळार ही परिक्षा जातली. भाशा, गणित आनी परिसर अभ्यास मेळून १०० गुणांचो पेपर आसतलो.
दिवचल म्हाल – सरकारी विद्यालय आनी अवर लेडी ऑफ ग्रेस, बार्देस- जी. एस. आमोणकार विद्या मंदीर, पेडणें – सरकारी उच्च माध्यमीक विद्यालय आनी भगवती विद्यालय,
सत्तरी – सरकारी उच्च माध्यमीक विद्यालय, वाळपय आनी सरकारी मुळावें विद्यालय, वाळपय,
तिसवाडी – हेडगेवार विद्यालय, कुजिरा, फोंडें- आल्मेदा विद्यालय आनी सरकारी विद्यालय, सदर, साश्ट – महिला नुतन मडगांव, सांगें – मिरेकलस विद्यालय, काणकोणा- सरकारी उच्च माध्यमीक विद्यालय, मस्तीमळ, केपें – सर्वोदय विद्यालय, कुडचडे, धारबांदोडें- आनंदीबाई मराठे विद्यामंदीर,
मुरगांवां- सेंट जोसेफ विद्यालय, वास्को ह्या थळांचेर परिक्षा जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.