भांगरभूंय | प्रतिनिधी
पणजी : साहित्य, कायदो आनी समाजीक योगदाना खातीर अमेरिकेच्या लोगोस विद्यापिठान राज्यपाल पी. एस. श्रीधरन पिल्लई हांकां मानद डॉक्टरेट पदवी भेटयली. राजभवनांतल्या दरबार हॉलांत पीएचडी पदवी भेटोवपाची कार्यावळ जाली.
कार्यावळीक पद्मश्री सद्गुरू ब्रह्मेशानंद आचार्य स्वामीजी, आर्चबिशप फिलीप नेरी फेर्रांव, गोडनेस टीव्हीचे संचालक फादर अालेक्स चेलागंडी, लोगोस विद्यापिठाचे डॉ. सुशील कुमार शर्मा, पीपल वेल्फेर लिगल फोरमाचे डॉ. अनील मॅथ्यू हाजीर आशिल्ले.
भारत हो आध्यात्मीक देश आसा. आध्यात्मीकता ही एखादें विद्यालय वा समाजा पुरतें मर्यादीत आसना. भारत हो सगल्या धर्मांचो देश आसा. सगल्या धर्मांतले अध्यात्म भारतांत आसा अशें राज्यपाल पी. एस. श्रीधरन पिल्लई हांणी सांगलें.
पद्मश्री सद्गुरू ब्रह्मेशानंद स्वामी, आर्चबिशप फिलीप नेरी फेर्रांव हांचीं भाशणां जालीं. राज्यपालांचे सचीव एम. आर. एम. राव हांणी येवकाराचें उलोवप केलें. पराग शाह हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
