भांगरभूंय | प्रतिनिधी
वाळपय, प्रतिनिधी: रस्त्यांचेर भोंवपी गोरवांचेर सरकार कारवाय करतलें. तांचेर कितेंय उपाय काडटलें. हेडग्या गोरवांच्या धनयांचेर कारवाय करतले, अशे तरेची येवजण सरकारान सुरू केल्या. मात ती अजून चालीक लावंक ना. हाका लागून सत्तरी म्हालांतल्या रस्त्यांचेर हेडग्या गोरवांचो आंकडो दिसान दीस वाडतूच चल्ला. ताचो फटको गाडयेकारांक बसला. अपघातांचें प्रमाण वाडलां. हाका लागून सरकारान ह्या हेडग्या गोरवांची वेवस्था बेगोबेग करची अशे तरेची मागणी गाडयेकारां कडल्यान जाता.
रस्त्यांचेर हेडग्या गोरवांचो आंकडो वाडत आसा. हाका लागून सरकारान ते येवजणेची अंमलबजावणी बेगोबेग करपाचेर भर दिवचो अशे तरेची मागणी गाडयेकारां कडल्यान जाता. खाजगी कंपन्यांनी काम करपी नोकरवर्ग रातच्या वेळार घरा परतता. अशा वेळार ह्या रस्त्यांचेर बसकण मारिल्ली गोरवांचो तांकां त्रास सोंसचो पडटात. आमुडल्यारूय तीं उठनात. हाॅर्न मारल्यार रस्त्या कुशीकच्या घरांतल्या लोकांची न्हिद खळटा. ताका लागून देंवून गोरवांक कुशीक काडचीं पडटात. जो मेरेन हेडग्या गोरवांचो आंकडो उणो जायना तो मेरेन ही परिस्थिती बदलची ना. ताका लागून हाचेर बेगोबेग कितेंय उपाय काडपाची मागणी गाडयेकार करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
