रस्त्यांचेर सीसीटीव्ही कॅमेरे बसोवपाचो काणकोण पालिका मंडळाचो निर्णय

भांगरभूंय | प्रतिनिधी

भांगरभूंय । प्रतिनिधी
काणकोणः लोक रस्त्या कुशींनी कोयर हाडून उडोवपाक लागल्ल्यान ताचेर नदर दोवोरपाा खातीर सीसीटीव्ही कॅमेरे बसोवपाचो निर्णय काणकोण पालिका मंडळान घेतला.
पालिका वाठारांतले रस्ते आमी मेकळ्यो सुवातांनी सध्या कोयर हाडून उडोवपाचे प्रकार वाडल्यात. थे थांबचे  हे खातीर सीटीटीव्ही कॅमेरे बसोवपाचें आमी थारायलां. जे कोण कोयर हाडून उडयतात तांचेर पुलिसां वरवीं कारवाय करतले अशें नगराध्यक्ष रमाकांत नायक गांवकार हाणे सांगलां. वट्ट 15 कडेन हे कॅमेरे बसयतले.
चावडी हांगा शेनवाराक भरपी सप्तकी बाजाराक लागून प्लास्टिक कोयर तयार जाता.  बाजाराच्या दिसा पुलीस गस्त घालपाक सांगतले पालिका वाठार नितळ दवोरपाचें आमी थारायलां. आमका नितळसाणे खातीर स्वच्छ भारत व्हो राष्ट्रीय पुरस्कार मेळल्लो.  पालिका वाठारांतल्या लोकांनी ताची दखल घेवन आपलो वाठार नितळ दोवोरपाचो यत्न करपाक जाय  अशें नायक गांवकारान सांगलें.