भांगरभूंय | प्रतिनिधी
भांगरभूय – प्रतिनिधी
पणजी : इंडी आघाडी पुरस्कृत कॉंग्रेस उमेदवार रमाकांत खलप हांणी आयज रामनमीच्या म्हूर्ताचेर उत्तर गोंय लोकसभा मतदारसंघा खातीर उमेदवारी अर्ज सादर केलो. उत्तर गोंय जिल्लोधिकाऱ्यां कडेन ताणी उमेदवारी अर्ज सादर केलो. ह्या वेळार प्रदेश कॉंग्रेस अध्यक्ष अमित पाटकार, विरोधी पक्ष फुडारी यूरी आलेमाव, आमदार कार्लोस फेरेरा आनी शेंकड्यांनी कार्यकर्ते हाजीर आशिल्ले. उमेदवारी अर्ज भरचे पयली रमाकांत खलप आनी कार्यकर्त्यांनी पणजेत महालक्ष्मी देवळाक भेट दिवन देवीचे दर्शन घेतले.
देशांत भाजप विरोधी वातावरण आशिल्ल्यान इंडि आघाडीचे जैत निश्चीत आसा, असो विस्वास प्रदेश कॉंग्रेस अध्यक्ष अमित पाटकार हांणी उक्तायला.
काल भाजपा उमेदवार केंद्रीय मंत्री श्रीपाद नायक हांणी उत्तर गोंय लोकसभा मतदारसंघा खातीर उमेदवारी अर्ज सादर केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
