भांगरभूंय | प्रतिनिधी
पणजी, बातमीदार ः गोंयांत 12 आनी 13 मे दिसा पावस पडपाची शक्यताय आसा. ते प्रमाण ह्या दोन दिसां खातीर ‘येलो अलर्ट’ जारी केला. जाल्यार 11 ते 16 मे ह्या काळांत कांय सुवातींनी मात्सो पावस पडपाची शक्यताय हवामान खात्यान उक्तायल्या.
शुक्रारा राज्यांतल्या चडांन चड तापमान मात्शें वाडलें. पणजीत चडांन चड तापमान 34.5 अंश सेल्सियस आनी उण्यांत उणें तापमान 25.9 अंश सेल्सियस नोंद जालां. जाल्यार मुरगांवां चडांत चड तापमान 34.2 अंश सेल्सियस आनी उण्यांत उणें तापमान 25.8 अंश सेल्सियस आसा. फुडले सात दीस राज्यांत चडांत चड तापमान 34 ते 36 अंश सेल्सियसां मदीं उरपाची शक्यताय आसा. खात्यान दिल्ले म्हायती प्रमाण, फुडल्या पांच दिसां खातीर चडांन चड तापमानांत व्हडलोसो बदल जावपाची शक्यताय ना.
राज्यांतल्या वेगवेगळ्या वाठारांनी बिरेस्तारा चडांन चड तापमान 33 ते 35 अंश सेल्सियस मदीं आशिल्लें. 11 ते 16 मे ह्या काळांत ओलसाण 80 ते 90 टक्क्यांमदीं आसपाची शक्यताय आसा. जाल्यार उश्णताय निर्देशांक म्हळ्यार जाणवपी तापमान 40 अंश सेल्सियस सकयल उरपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
