भांगरभूंय | प्रतिनिधी
शेनवारा सगल्या खात्यांंची समन्वया खातीर बसका
पणजी : कंंत्राटदारा वतीन सुरू आशिल्लें पर्वरी फ्लायओव्हराचें काम येरादारी वेवस्थापन जाय मेरेन बंंद दवरपाचे आदेश कंंत्राटदाराक दिल्ल्याची म्हायती पर्यटन मंंत्री रोहन खंंवटे हांंणी दिली. शेनवारा कंंत्राटदार, सरपंच तशेंच सगलया खात्यांंची बसका जातली. फ्लायओव्हराच्या कामाचें सादरीकरण जातलें. येरादारी वेवस्थापन जाय मेरेन काम सुरू जावचे ना, अशी हमी पर्यटन मंंत्री तशेंच पर्वरीचे आमदार रोहन खंंवटे हांणी दिली.
मांंडवी पुला सावन पर्वरी मेरेन फ्लायओव्हराचें काम राजेंद्रसिंग भांंबू इन्फ्रा प्रायव्हेट लिमिटेड कंंपनी वतीन सुरू आसा. हें काम थळावे आमदार तशेंच खात्यांंक विस्वासांत घेनासतानाच सुरू जालांं. ह्या कामाची मंंत्री तशेंच आमदार रोहन खंंवटे हांंणी पळोवणी केली. ह्या वेळार सरपंंच, पंंच हाजीर आशिल्ले.
पुराय पर्वरेच्या मुखेल रस्त्यार येरादारीची कोंयंडी जाता. फ्लायओव्हराच्या कामाक लागून येरादारी कोंयडी जावपाचें प्रमाण वाडपाक लागलांं. हे फांटभुंयेर मंंत्री रोहन खंंवटे हांंणी कंंत्राटदारा सयत कामाची पळोवणी केली.
येरादारी खातें, भौशीक बांंदकाम, पुलीस, वीज, उदका पुरवण आनी संंबंंदीत पंंचायतींक विस्वासांत घेवन काम जावपाक जाय. फ्लायओव्हराच्या कामाक लागून पेन्ह द फ्रांंस, सुकूर ह्या वाठारांतल्यान येरादारी जातली. हाका लागून थंयचे सरपंंच, पंंच हांंका विस्वासांत घेवपाची गरज आसा. फ्लायओव्हराच्या कामाक लागून उदकाची पायपलायन फुटपाची शक्यता आसा. कायदो सुवेवस्थेचो प्रस्न निर्माण जावप शक्य आसा. हाका लागून सध्या काम बंंद दवरपाचे आदेश कंंत्राटदाराक दिल्यात.
शेनवारा भौशीक बांंदकाम, पुलीस, उदका पुरवण, सरपंंच हांची जोड बसका जातली. हे बसकेंत येरादारी वेवस्थापन तशेंच हेर गजालींंचेर चर्चा जातली. काम कशें जातलें, ताचें सादरीकरण जातलें. हाचे उपरांंत ज्यो किदें समस्या आसात ताचेर मुख्यमंंत्री डॉ. प्रमोद सावंंत हांंचे कडेन चर्चा जातली. येरादारी वेवस्थापन आराखडो तयार जाले उपरांंत फ्लायओव्हराचें काम सुरू जातलें अशें मंंत्री रोहन खंंवटे हांंणी सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
