भांगरभूंय | प्रतिनिधी
युसुफ शेख आनी सुफिया शेख हांणी ऑल स्टार्स करंड बॅडमिंटन सर्तींत तिट्टी किताब जिखलो. जाल्यार स्पर्श कोलवाळकार आनी अर्णव सराफ हांणी दोन गटांनी वस्तादपण जोडलें.
सर्त नावेलीच्या मनोहर पर्रीकार इन्डोर स्टेडियमांत जाली. वर्ल्डविंड्स स्पोर्ट्स क्लबान गोंय बॅडमिंटन संघटणेच्या आनी गोंय खेळां प्राधिकरणाच्या सहकार्यान सर्तीचें आयोजन केल्लें.
इनामां भेटवण सुवाळ्याक गोंय तायक्वांदो संघटणेचे अध्यक्ष नवीन पै रायकार, सर्तीचे प्रमोटर नावीद तहसीलदार, डॉ. पंढरीनाथ अवदी, गोंय बॅडमिंटन संघटणेचे सचीव संदीप हेबळे, गोंय खेळां प्राधिकरणाचे बॅडमिंटन प्रशिक्षक विनायक कामत हे उपस्थीत आशिल्ले.
मायकल मारे, प्रग्या अवदी, अवनी ख्यालिया, रिया हळदणकार हांकां हेर पिराय गटांत एकोड्या प्रकारांत वस्तादपण फावो जालें. दोट्टी गटांत अलोईसियस रॉड्रिग्स-जोनाथन रेगो, अश्मीत पार्सेंकार-सोहम नायक, जाल्यार जान्हवी विर्नोडकार-सिनोव्हिया डिसौझा हे जोडयेन येस मेळयलें. नील पुंजानी बक्षी, कोमल कोठारी, निहारिका परवार, शौर्य नायक, क्रिसेन डिसा, तनीष कारेकार, प्रियांका कारकल, सीके शान, उमर शेख, कविश मेलवानी, वंश नाटेकार, चिराग महाले, अद्वैत बाळकृष्णन, सानवी अवदी हांकां उप वस्तादपण फावो जालें. शुभम स्वामी, आर्यन कर्पे, अमायरा धुमटकार हांकां उदेंते खेळगडे म्हणून पुरस्कार फावो जाले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
