भांगरभूंय | प्रतिनिधी
5 वर्सां वैधताय आशिल्लो व्हिसा मेळटलो, 29 युरोपीय देशांक दिवंक शकतात भेट
लंडन, खबरां संस्था ः युरोपियन युनियनान भारतीयांक 5 वर्सां वैधताय आशिल्ले मल्टीपल एंट्री शेंगेन व्हिसा नेम सुरू केल्यात. ह्या शेंगेन व्हिसा वरवीं तुमकां 29 युरोपीय देशांक भेट दिवंक मेळटा. शेंगेन व्हिसा म्हळ्यार 90 दिसां मेरेन जारी केल्लो ‘शॉर्ट स्टे’ व्हिसा. ह्या व्हिसा वरवीं खंयच्याय युरोपीय देशांत फुकट प्रवास करपाक मेळटा.
हांचे आदीं व्हिसा 3 वर्सांत दोन फावटीं घेवचो पडटालो. पूण आतां भारतीयांक 18 एप्रील सावन लागू जाल्ल्या नेमा प्रमाण मल्टीपल एंट्री शेंगेन व्हिसा मेळटलो. हाका लागून व्हिसाचो खर्चूय वाचतलो.
अशें काम करता…
हें स्टिकराच्या रुपांत आसता, जें तुमच्या पासपोर्टाचेर वा प्रवास दस्तावेजाचेर दसयतात. स्टिकर स्वता तुमकां शेंगेन राज्यां भितर प्रवास करपाची परवानगी दाखयता. तुमी शेंगेन कबलातीन थारायिल्लीं हेर अटी पाळल्यारुच तुमकां प्रवेश मेळटलो.
अर्ज कसो करचो…
० तुमकां भेट दिवपाक जाय आशिल्ल्या देशाच्या शेंगेन देशाच्या वाणिज्य दूतावासांत अर्ज करचो. तशेंच थंयच्या सगळ्या शेंगेन देशांक भेट दिवपाची म्हायतीय मेळटली. आमच्या देशाचे राजधानींत हीं दूतावासां स्थापन जाल्यांत. तुमी चड वेळ ज्या देशांत घालयतात त्या देशांचे थळ कोड केल्लो आसतलो.
० शेंगेन व्हिसा नेम चालीक लायल्या उपरांत युरोपांतल्या वेगवेगळ्या देशांचे कागदपत्र एकठांय करतले. आतां मेरेन शेंगेन व्हिसाची वैधताय उणी आशिल्ल्यान भारतीय प्रवाशांचेर समस्या निर्माण जाल्या, जाका लागून केन्नाय वेगळो अर्ज करचो पडटालो.
० भारतांत रावपी आनी ल्हान मुजतीच्या शेंगेन व्हिसा खातीर अर्ज करपी भारतीय नागरिकां खातीर नवीन व्हिसा कॅस्केड पध्दत स्थापन जाल्ल्या प्रवाशांक जायत्या वर्सांच्या वैधतेच्या व्हिसाचेर सोंपेंपणान प्रवास करपाक मेळटलें अशें युरोपीय संघटणेन सांगलां. आतां खंयच्याय नागरिकाक युरोपांतल्या खंयच्याय देशांत सिंगल व्हिसा घेवन वचूंक मेळटा. जो मेरेन पासपोर्ट वैधताय परवानगी आसा.
० व्हिसा नेमांत हे बदल युरोपियन युनियन- इंडिया कॉमन अजेंडा खाला केल्यात, जाका लागून दोगांय मदले व्यापक संबंद घटमूट जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
