भांगरभूंय | प्रतिनिधी
भांगरभूंय । प्रतिनिधी
वास्कोः सम्राट क्लब वास्को द गामा वतीन आयोजीत केल्ल्या साज णववारी फॅशन शो सर्तींत युगाली नायक जैतविंत थारली. प्रणिता बोरकार आनी किर्ती नायक पयली आनी दुसरी उपजैतिवंत थारली. सोनाली नायक आनी शिला नायक हांकां उमेद वाडोवपी इनामां फावो जाली. सर्तींत 17 बायलांनी वांटो घेतिल्लो.
सम्राट कल्ब वास्कोन संवसारीक बायल दिसा निमतान सांकवाळ हांगच्या श्री शांतादुर्गा देवस्थानांत हे सर्तीचें आयोजन केल्लें. ललिता परेश जोशी हांचे हस्तुकीं दिवली पेटोवन सर्तीक सुरवात जाली. सुविना बाणावलीकार मांजरेकार आनी साक्षी परब हांणी सर्तीचें परिक्षण केलें.
इनाम भेटवण कार्यावळीक नगरसेविका शमी साळकार मुखेल सोयरी म्हणून हाजीर आशिल्ली. माचयेर सम्राट क्लबाची अध्यक्ष संध्या संझगिरी, सचीव गिरीष कोळमकार, भांडारी स्नेहल संझगिरी आशिल्ली. शमी साळकारान सम्राट क्लबान बायलां खातीर आयोजीत केल्ल्या सर्तीच्या कार्यावळी खातीर तांची तोखणाय केली. स्नेहल संझगिरी,शारदा नायक, सविता हळदणकार हांणी सर्तीचें सूत्रसंचालन केलें. गिरीष कोळमकारान शोच्या निमणे सगल्यांचे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
