भांगरभूंय | प्रतिनिधी
म्हापशें, प्रतिनिधी ः म्हापशें पुलिसांनी धाड घालून दुबावित अजया पास्कल नायक (30, रा. ओडिशा) हाका अटक करुन ताचे कडल्यान 85 हजारांचो 850 ग्राम गांजो जप्त केला.
मंगळारा रातीं उसरां पुलिसांनी म्हापशें शारांतल्या एका म्हाविद्यालयाच्या पार्किंग सुवातेर धाड घालून दुबाविताक अटक केली. उल्लेख केल्ल्या सुवातेर ड्रग्साची विक्री जावपाची आसा अशी म्हायती पुलिसांक मेळिल्ली. ते उपरांत तांणी धाड घालून दुबाविताक ताब्यात घेवन ताचे कडलो 850 ग्राम गांजो जप्त केलो.
ते उपरांत दुबाविताचेर अमली पदार्थ प्रतिबंधक कायद्या खाला गुन्यांव नोंद करून अटक केली. म्हापशें न्यायालयान दुबाविताक पांच दीस कोठडीत दवरपाचो आदेश दिला.
पुलीस निरीक्षक निखिल पालेकार हांच्या फुडारपणा खाला उपनिरिक्षक रविना सावतोडकार, विशाल कुट्टीकार, आदित्य गाड, अभिजीत नायक, हवालदार सुशांत चोपडेकार, कॉन्सटेबल तुकाराम कांबळी, राजेश कांदोळकार, प्रकाश पोळेकार, अक्षय पाटील आनी तारा पेडणेकार हांच्या पंगडान ही कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
