भांगरभूंय | प्रतिनिधी
म्हापशें: वादळी वाऱ्या सयत उटंगाराच्या पावसाक लागून म्हापशें शार आनी वाठारांत सात सुवातांनी झाडां हुमटून पडिल्ल्यान कांय जाणांचें लुकसाण जालें. जाल्यार विवीध रस्त्यांचेर उदक तुंबपाचे प्रकारूय घडले.
शेळ, बस्तोड्यां दनपारां 1.30 वरांच्या सुमाराक ताई चिकन रॅस्टोरंण्टा कुशीक नारायण कारापूरकार हांच्या घराचेर आंब्याच्या झाडाचो खांदो पडून 50 हजारांचें लुकसाण जालें.
खोर्ली म्हापश्यां सांतेरी देवळा कुशीक गुरूदास वायंगणकार हांच्या घराचेर आंब्याचें झाड पडिल्ल्यान तांचें पांच हजारांचें लुकसाण जालें.
हाचे बगर आसगांवां वीज वाहिन्यांचेर झाड पडिल्ल्यान वाहिन्यां सयत दोन वीज खांब तुटून पडले. म्हापशें उजो पालोवपी दळाच्या जवानांनी ही झाडां मारून कुशीक काडलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
