भांगरभूंय | प्रतिनिधी
म्हापशें, प्रतिनिधी ः खोर्ली -म्हापशेंच्या घाटेश्वरनगरांत मोहम्मद उस्मान (22, मुळ उत्तर प्रदेश) हाचेर सुरी हल्लो केल्ल्या प्रकरणांत म्हापशें पुलिसांनी दोन दुबावितां आड गुन्यांव नोंद केला. ह्या प्रकरणांतलो मुखेल दुबावीत चिराग आनी ताचो वांगडी दोगूय फरारी आसात. ही घडणूक शुक्रारा (22 मार्च) दनपारां सुमार 12.30 वरांचेर घडली.
मोहम्मद हो आपल्या भाड्याच्या घराच्या भायर राविल्लो. ह्या वेळार दुबावीत चिराग आनी ताचो इश्ट थंय आयले. दोगांयनी अचकीत ताका गाळी दिवन मारपेट केलो. उपरांत सूरयेन हल्लो केलो. हांतूत मोहम्मद गंभीर जखमी जालो.
ते उपरांत दुबावितांनी थंयच्यान पळ काडलो. जखमीक उपचारा खातीर म्हापश्यां जिल्लो हॉस्पिटलांत दाखल केलो. उपचार करून ताका घरा धाडलो. ह्या सुरी हल्ल्यात जखमी जाल्ल्यान मोहम्मद उस्मानाच्या आंगाचेर वट्ट 65 टांके पडल्यात.
ह्या प्रकरणांत पुलिसांनी दुबावीत चिराग आनी ताच्या वांगड्या आड गुन्यांव नोंद केला. फुडलो तपास पुलीस उपनिरिक्षक बाबलो परब करता
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
