भांगरभूंय | प्रतिनिधी
भांगरभूंय । प्रतिनिधी
म्हापशेंः आल्तीन म्हापशें हांगच्या न्यायालयीन वसाहतींत एका क्वाटर्सांक दवोरल्ल्या कावलाची चोरी जाली. म्हापशें पुलिसांनी अनवळखी चोरा आड गुन्यांव नोंद केला. म्हापश्या पयलो वर्ग न्यायालयाच्या फाटले वटेन कर्मचाऱ्यांक रावपाक क्वाटर्स आशिल्ली इमारत आसा. सध्या थंय कोण रावना. वेगवेगळ्या तरेचें कावल एका क्वाटर्सांक दवोरल्लें.
फाटल्या 8 मार्चाक कर्मचारी तपासणी करपाक गेल्ले कडेन चोरी जाल्ल्याचें तांकां दिसलें. पयलो वर्ग न्यायाधीश शिल्पा पंडित हिणे पुलिसांत कागाळ केली, निरीक्षक परेश नायक हाच्या मार्गदर्शना खाला उपनिरीक्षक बाबलो परब तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
