भांगरभूंय | प्रतिनिधी
भांगरभूंय । प्रतिनिधी
म्हापशें. म्हापशेंची नगराध्यक्ष शुभांगी वायंगणकार चलयल्ले मनमानीपणाक लागून आथाईद लायब्ररी इमारत प्रकल्पाचो बुन्यादी फातोर बसोवपाचे तशेंच सौर उर्जा पॉवर प्रकल्पाच्या मंगळार 6 डिसेंबराक जावपी कार्यावळींचेर बहिश्कार घालपाचें सत्ताधारी पंगडांतल्या नगरसेवकांनी थारायलां. ह्यो कार्यावळी नगराध्यक्ष वायंगणाकारच्या वाडदिसा निमतान आयोजीत केल्यात.
पालिकेच्या पोरणे इमारतीच्या नूतनीकरण प्रकल्पाचो बुन्यादी फातोर सकाळीं 10 वरांचेर शार उदरगत मंत्री विश्वजीत राणे हाचें हस्तुकीं बसयतले. जीसुडा वतीन इमारत बांदकाम करतले. सकाळीं 11 वरांचेर सौर उर्जा रूफटॉप प्रकल्पाचें उक्तावण बांदकाम मंत्री नीलेश काब्राल हाचे हस्तुकीं जातलें. ह्यो कार्यावळी थारायतना पालिका मंडळाक विश्वासांत घेतलें ना. कार्यावळीच्या आयोजनाा विशीं नगरसेवकांक कल्पना दिली ना. तशेंच कार्यावळीचें आमंत्रण सत्ताधारी पंगडांतल्या नगरसेवकांक सोमार सांजे उसरां दिलां अशें कळटा.
पोरण्या दायज इमारतीचें नूतनीकरण कशे तरेन जातलें. थंय लायब्ररी कशी आसतली. ताचें नियोजन हे संबंदी पालिका मंडळाक कसलीच म्हायती दिली ना. ताका लागून पालिका मंडळांतल्या सत्ताधारी पंगडात नगराध्यक्ष शुभांगी वायंगणकारा विशीं असंतोष आसा. आमदार आनी उपसभापती जोशुआ डिसोझा हाच्या कानार हो प्रकार घातला.
म्हज्या सयत हेर नगरसेवकांनी तांच्यो कार्यावळी थारायल्यात. सोमाराक सांजे उसरां आमी पालिकेच्या कार्यवाळीचें आमंत्रण मेळ्ळे. मात पयलीं थारायल्ले कार्यावळीक वचपाचें आशिल्ल्यान पालिकेच्या कार्यावळींक आपूण वच्चो ना अशें सत्ताधारी पंगडांतल्या एका नगरसेवकान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
