भांगरभूंय | प्रतिनिधी
म्हापशें, प्रतिनिधी ः म्हापशें आनी कोलवाळे पुलिसांनी ड्रग्स विरोधी कारवाये खाला गुन्यांव नोंद करून १.२२ लाखांचो गांजो जप्त केला. तशेंच थियेच्या दोग दबावितांक अटक केल्या. अटक केल्ल्या मदीं छाकौडी हेरनान महतो (३४, रा. माडेल थिवी, मूळ बिहार) आनी मल मिया खान (३०, रा. थिवी) हांचो आसपाव आसा.
बुधवारा सकाळीं म्हापशें आंतरराज्य बस स्टेशनाचेर म्हापशें पुलिसांनी सांपळो रचून दुबावीत महतो हाका धरलो. दुबाविता कडेन ८० हजारांचो ८०० ग्रॅम गांजो सांपडलो. पुलिसांनी ताका अटक केली.
कोलवाळे पुलिसांनी मंगळारा ६ तारखेर दुबावीत आरोपी मल खान हाका थियेच्या हुंडाय शोरूमा लागसारा धरलो. ताची चवकशी केली तेन्ना दुबाविता कडेन ४२ हजार ७०० रूपयांचो ४२७ ग्रॅम गांजो सापडलो. हो गांजो जप्त करून ताका अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
