भांगरभूंय | प्रतिनिधी
२२ ते २६ मेरेन विवीध मानेस्तांचीं जातलीं व्याख्यानां
भांगरभूंय । खबरां मेज
पणजी : म्हापशेच्या सेंट झेवियर्स महाविद्यालयांत ‘अंतर्गत गुणवत्ता हमी कक्ष’ (आयक्यूएसी) हांचें वतीन 22 ते 26 ऑक्टोबर 2024 मजगतीं राष्ट्रीय पातळे वयल्या ‘विद्याशाखा उदरगत’ उपक्रमाचें आयोजन केलां. तातूंत उच्च शिक्षणा भितर बौद्धिक चैतन्य वाडोवपाचे, नवीन साधनांचो उपेग करपाचे आनी संबंदीत जाळवणदारांची कार्यक्षमता वाडोवपाचे नदरेन साबार सत्रांचें आयोजन केलां. भारतीय ज्ञान प्रणाली, मुल्य शिक्षण, अध्यापन, अध्यापनशास्त्र, संशोधन, शारिरीक तशेंच मानसीक भलायकी आनी हवामान बदल सारक्या तरेकवार मळां वयले तज्ञ ह्या उपक्रमांत मार्गदर्शक म्हणून येवपाचे आसात.
गोवा हेरिटेज ॲक्शन ग्रुपाच्यो वांगडी आर्किटेक्ट पृथा सरदेसाय हांच्या ‘विव्हिंग स्टोरीज ऑफ गोवन आर्ट अँड कल्चर : द कुणबी साडी’ ह्या सत्रा वरवीं उपक्रमाक आरंभ जातलो. उपरांत एस.आर.एस वैदिक गणित अकादमीचे संस्थापक सागर राम साकोर्डेंकार, ‘अनलॉकिंग मॅथेमॅटिकल इनसाइट्स थ्रू वैदिक विस्डम’ ह्या विशयाचेर मार्गदर्शन करतले. प्लांट्स ऑफ गोवाचे सह-संस्थापक तशेच अन्नशास्त्राचे जाणकार डॉ. मेरीने क्रिस्टीन व्ही. बोर्जेस ई लोबो हांचें ‘नेचर विजडम : अनव्हिलिंग आयुर्वेदास सिक्रेट फॉर वॅलबिंग’ ह्या विशयावर मार्गदर्शन आसतलें. ते भायर बजाज हेल्थकेअर लिमिटेड, मुंबयचे वरिश्ठ महाव्यवस्थापक डॉ. आर्लोफ जॉनविएरा ‘वॅल्यू एज्युकेशन फॉर शेपिंग कॅरेक्टर अँड इन्स्पायरिंग यंग माइंड्स’ ह्या विशयाचेर उलोवप जातलें. इंदिरा गांधी नॅशनल ओपन युनिव्हर्सिटी, नवी दिल्ली हांगां कार्यरत आशिल्ले डॉ. निराधर डे हांचें ‘उच्च शिक्षणातलो अध्यापनशास्त्रीय दृष्टिकोन’ ह्या विशयाचेर मार्गदर्शन आसतलें.
बजाज फिनसर्व्हचे लीड ट्रेनर आनी ऑप्टिमिस्टिक लर्निंग – बंगळूर हाचे धनी डॉ. अमित याल्गी ‘रीसर्च फॉर अकॅडमिक एक्सलन्स अँड अनलीशिंग पोटेंशियल’ ह्या विशयाचेर, द एनर्जी अँड रिसोर्सेस इन्स्टिट्यूट (टेरी) ह्या आस्थापनाचे फेलो तशेच मुखेल सल्लागार डॉ. अश्विनी पै पाणंदीकार हांचें ‘सर्कुलर इकॉनॉमी स्ट्रॅटेजीज फॉर कॉम्बेटिंग क्लायमेट चेंज’ ह्या विशयाचेर जाल्यार विवेकानंद फाऊंडेशन ऑफ गोवाचे प्रा. संजीव सावर्डेंकार हांचें ‘फ्रॉम स्ट्रेस टू सेरेनिटी : अ जर्नी टू वेलनेस’ ह्या विशयाचेर व्याख्यान जातलें.
हो उपक्रम हायब्रीड पद्दतीन आयोजीत केल्लो आसा. हे संबंदी पुराय म्हायती महाविद्यालयाच्या वेबसाइटीचेर उपलब्ध आसून तो सगळ्यां खातीर उक्तो आसा. इत्सूकानी http://forms.gle/wptYsrzZDfxv9wxg7 ह्या लिंकावयल्यान फॉर्म भरून आपली नोंदणी करची अशें महाविद्यालयाच्या जाळवणदारांनी मागलां. अदीक म्हायती खातीर एफ.डी.पी.च्या संयोजकांक कडेन 98221 34298 / 99231 59739 ह्या नंबरार वा महाविद्यालयाच्या [email protected] ह्या ईमेलार संपर्क सादचो, अशें आयोजकांनी कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
