भांगरभूंय | प्रतिनिधी
म्हापशें, प्रतिनिधी ः म्हापशेंच्या उपनगराध्यक्ष पदा खातीर नगरसेवक सुशांत हरमलकार हांचो एकूच अर्ज दाखल जाला. ताका लागून हरमलकर हांची ह्या पदा खातीर विरोधा विणें निवड जाल्या. बुधवारा सकाळीं पीठासीन अधिकार्यांनी तांच्या नांवाची अधिकृत घोशणा जातली.
हें उपनगराध्यक्षाची रिती आशिल्ली सुवात भरपा खातीर आयज सकाळीं पालिका मंडळाची विशेश बसका जाली. तशेंच ह्या पदाचे उमेदवारी अर्ज पालिका मुख्याधिकार्यां कडेन सादर करपा खातीर ५ मार्च दनपारच्या १२ वरां मेरेन वेळ दिल्लो.
ह्या वेळांत मुख्याधिकारी चंद्रकांत शेटकार हांचे कडेन फकत नगरसेवक सुशांत हरमलकार हांचोच उमेदवारी अर्ज सादर जाल्लो. ताका लागून तांची उपनगराध्यक्षपदार बिनविरोध निवड जाल्ल्याचें स्पश्ट जालें. हे उपनगराध्यक्ष निवड प्रक्रिये खातीर पिठासीन अधिकारी म्हणून बार्देशचे उपजिल्होधिकारी उदय प्रभू देसाय हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
