भांगरभूंय | प्रतिनिधी
म्हापशें, प्रतिनिधी ः शेट्येवाडो, म्हापशेंचो प्रसाद प्रकाश बुडके (४३) हो तरणाटो फाटल्या सोमारा ता. १७ सावन बेपत्ता आसा. हे विशीं ताचे घरकान्नीन म्हापशें पुलिशेंत कागाळ केल्या.
चड म्हायती प्रमाण, १७ जुनाक सांजेवेळार ७.३० वरांचेर प्रसाद हो प्रभू इस्टेट इमारतींतल्या फ्लॅटांतल्यान भायर सरलो. वतना तांणी आपलो मोबायल फोन आनी गाडयेची चावी घरांतूच दवरली. रात मेरेन तो घरा परतूंक नाशिल्ल्यान त्या दिसा ताचे घरकान्नीन पुलिशेंत कागाळ केली. ते प्रमाण पुलिसांनी मंगळार १८ जुनाक प्रसाद हो बेपत्ता जाल्ल्याचें प्रकरण नोंद केलां.
आयज २० जून, प्रसाद बेपत्ता जाल्ल्याक चार दीस जाले तरी आजूनय ताचो पत्तो लागूंक ना. कोणायकूय तो सांपडल्यार वा दिसल्यार म्हापशें पुलिसांक संपर्क करचो, असो उलो पुलिसांनी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
