भांगरभूंय | प्रतिनिधी
फोंडें, प्रतिनिधी : नंद्रण- मोल्यां मंगळारा रानांतल्यान रातचो बेकायदेशीरपणान सोरो घेवन वचपी सुशांत पुरुषोत्तम झिंगाडे (२५, हुबळी – कर्नाटक) हाका कुळें पुलिसांनी ताब्यांत घेतलो. ताचे कडल्यान ३२९० रुपया मोलाचो सोरो जप्त केला. सोमारा १२ लिटर सोरो जप्त केल्या उपरांत मंगळारा ९.५५५ लिटर सोरो जप्त करपांत कुळें पोलिसांक येस आयलें.
मेळिल्ले म्हायती प्रमाण, रातच्या ७.३० वरांचेर एकलो रानांतल्यान कितें तरी घेवन वता अशी म्हायती पुलिसांक मेळिल्ली. तांणी ह्या वाठारांत गस्त घाली तेन्ना दुबावीत सोरो व्हरता हें समजलें. मागीर ताका ताब्यांत घेतलो. निरीक्षक सगूण सावंत हांच्या मार्गदर्शना खाला तपास जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
